Burela, 12 maio de 2025. Tras a xuntanza mantida o venres 09 de maio, Xunta de Persoal recoñece o “bo talante” do conselleiro ao reunirse con eles nunha xuntanza chea de “declaracións de boas intencións” pero sen nada sobre a mesa que “solucione o conflito”.
A xuntanza durou case hora e media, nun ambiente de escoita pero tamén de crispación ao tentar dende a Consellería evitar fotos que non fosen sacadas polo seu gabinete de prensa.
Tamén tentaron censurar na entrada ao salón os carteis que finalmente foron empregados pola Xunta de Persoal para ir explicando as carencias e consecuencias da actual situación de emerxencia da sanidade pública da Mariña tanto en Atención Primaria como Atención Hospitalaria: falta de persoal, longas listas de agarda, derivacións ao HULA e hospitais privados de Lugo.
Dende a Consellería alegaban falta de persoal médico e tamén de enfermería, e a Xunta de Persoal replicoulle que o persoal marchou polas condicións de traballo que non permiten atender ben aos pacientes e tamén pola inestabilidade laboral con contratos “lixo”.
Contra un discurso da Consellería negacionista e sen solucións reais, preguntaron á Consellería os motivos de ter tamén infradotadas outras categorías profesionais, onde existen profesionais no paro.
Puxeron riba da mesa casos concretos como un servizo de partos sen dotación de Técnicas Auxiliares de Enfermaría nas quendas de tarde e noite, existindo dispoñibilidade nas listas de contratación e cando noutros hospitais si teñen dotación.
Tamén preguntaron a falta de creación de prazas de Técnicos/as de Farmacia, sometidas a unha situación de distrés continuo cando existen profesionais nas listas de contratación.
Esixiron dotar de máis persoal de fisioterapia aos Centros de Saúde como os de Foz e Ribadeo, tamén ao Centro de Saúde de Burela único concello que non presta ese servizo a súa veciñanza, cando tamén existen profesionais nas listas de contratación.
A resposta da Consellería foi o silencio
“A día de hoxe, non hai ningunha solución concreta e inmediata riba da mesa”, afea o Presidente da Xunta de Persoal.
Ademais, o desprazamento de profesionais dende outros hospitais non deixan de ser “parches” que mitigan pero non resolven a situación.
A Xunta de Persoal do Distrito Sanitario da Mariña está e estará na defensa da sanidade pública, dos dereitos das traballadoras e traballadores, do dereito dos veciños e veciñas da Mariña a contar con servizos sanitarios de calidade na nosa comarca”.
E anuncian que están fartas e fartos de recortes nos servizos sanitarios e do benestar social da poboación por parte da Consellería de Sanidade”.
Por todo iso, a Xunta de Persoal confirma que continuarán as protestas diarias na porta do hospital.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
