Nota de prensa
Estúa afirma que a política da Xunta de desmantelamento dos servizos públicos perpetua os roles sexistas
BNG e Observatorio denuncian que na Mariña a destrucción de emprego feminino duplica case ao masculino.
A Mariña, 19 de novembro de 2010. Unha delegación do Bloque Nacionalista Galego e do Observatorio da Mariña pola Igualdade mantiveron na xornada de onte unha xuntanza no local dos nacionalistas en Foz , onde puxeron en común os proxectos que os dous colectivos están a desenvolver e analizaron como as políticas que están a aplicar diante da crise as diferentes administracións están a acentuar por unha banda a feminización da pobreza e tamén como estas significan unha volta atrás na perpetuación dos roles sexistas.
Segundo manifestou o Portavoz nacionalista Xoán Estúa “os dados de desemprego que se están a dar na Mariña son ben clarificadores de como a crise está a afectar de xeito máis agudo as mulleres ate o punto de que a destrucción de emprego en función do xénero leva a que o feminino duplique case o masculino. Mesmamente esta tendencia acentuase na medida que a diminución do consumo interno provocado polas políticas de austeridade afecta de xeito máis forte ao sector servizos onde a maioría dos ocupados son mulleres”. Estúa lembrou que o BNG está a insistir na necesidade dun Plano de Emprego para mulleres e para a mocidade e criticou a negativa do Partido Popular en poñer medidas en marcha nesa dirección.
Na mesma liña os nacionalistas denunciaron a política de recortes sociais posto “que a incidencia destas nas mulleres é moito maior. O desmantelamento dos servicios sociais e da rede asistencial pública está a provocar que as mulleres teñan que volver ao fogar para ocuparse do coidado das persoas maiores e dos/as nenos/as..É fundamental que o Goberno Galego cumpra cos seus compromisos en materia de escolas infantís e de centros para a Terceira Idade se de verdade queremos que a muller se poida incorporar en igualdade de condicións ao mercado de traballo”. Os representantes do BNG e do Observatorio criticaron que a Xunta de Galiza manteña a Residencia de Viveiro fechada polo impacto que iso está a ter tanto na creación de emprego como na función asistencial. “Outro tanto acontece coas listas de espera existentes nas escolas infantís, colapsadas até o punto de que localidades que recentemente se dotaron de novos centros ou ampliaron os xa existentes acumulan listas de espera que só nos casos de Viveiro, Foz,Burela e Ribadeo se achegan a preto das 200 persoas”, afirmou Estua quen advertiu que “a Xunta de Galiza non só paralizou a construcción de novos centros para a escolarización de menores entre 0 e 3 anos senón que está a estudiar o feche de algúns como recentecemente denunciou o Alcalde de Ribadeo”.
Noutra orde de cousas os nacionalistas felicitaron ao Observatorio pola intensa actividade que están a desenvolver na Comarca e expresaron o seu apoio aos actos que este colectivo vai celebrar no horizonte do 25 de Novembro para denunciar a violencia de xénero.”É un motivo de orgullo para A Mariña contar cun colectivo da actividade e vitalidade do Observatorio, posto que acredita que nesta comarca contamos cunhas mulleres que queren ser protagonistas do seu futuro e non se resignan en loitar por unha sociedade onde a igualdade de xénero sexa real” afirmou Estúa quen indicou “ que nesta loita o Observatorio e o BNG seguiran a atoparse”.
Desde o Observatorio valorouse positivamente este encontro co Bloque Nacionalista Galego e polo tanto o seu interese por coñecer as demandas e preocupacións do feminismo marinán. Neste sentido, fixeron un chamamento para que a clase política tome en consideración a discriminación existente cara ás mulleres e a instauración de medidas reais para combatila. Como sinalou a directiva da entidade Loli Docobo que ”é necesario que os partidos políticos non utilizen as políticas de igualdade como un lavado de imaxe cara a galeria, e logo a hora da verdade, na práctica se establezan medidas contrarias ” Por outra banda, as membras da asociación feminista afirmaban que a violencia de xénero só pode atallarse con igualdade, é o seu mellor antídoto, e as 70 mulleres mortas no Estado non representan cuestión menores, xa que estase a falar de vidas humáns, do dereito a vida das persoas.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
