Nota de prensa
O BNG INFORMOU EN SAN CIBRAO SOBRE A SITUACIÓN DA SANIDADE PUBLICA E CHAMOU A MANIFESTARSE O DOMINGO EN COMPOSTELA
Moitos veciños e veciñas de Cervo sofren as consecuencias da política sanitaria do PP: mais listas de espera, privatizacións e peor servizo
Estúa denuncia o caso dun veciño que tivo que desprazarse a Coruña para unha simple operación de fimoses
Cervo, 18 de novembro de 2010. O BNG cervense informou hoxe no mercado de San Cibrao sobre a situación da sanidade pública e fixo un chamamento á participación na manifestación que a Plataforma SOS SANIDADE PÚBLICA da que forma parte o BNG entre outros moitos colectivos sociais que sairá ás 12 da mañá da Alameda Compostelán o próximo domingo 21 de novembro. Os nacionalistas denunciaron o deterioro intencionado do servizo sanitario público a favor da sanidade privada dentro dun modelo que o PP está a executar que xa está a ter graves consecuencias entre os cidadáns e cidadás de Cervo.
Os centros de saúde acusan a falta de persoal e o Hospital da Costa á cabeza do país nas listas de espera e nos recortes orzamentarios no ano 2011.
Os nacionalistas denunciaron que no Centro de Saúde de San Cibrao segue sen cubrirse unha praza de persoal de Servizos Xerais ao paralizar o goberno do PP o Plan Mellora que levaría a cubrir 24 prazas pendentes na área Sanitaria da Mariña. Na mesma liña de recorte de investimentos en sanidade pública, 183 millóns menos en relación ao orzamento de 2010, advertiron que cun Hospital da Costa que está á cabeza do país nos recortes de investimento en relación a 2010, e normal que a cidadanía se alarme cando ademais ve como para simples probas ou operacións de escasa entidade deben facer desprazamentos de mais de 300 quilómetros. O Portavoz municipal nacionalista Xoás Estúa puxo o exemplo dun veciño “que tivo que desprazarse á Coruña para facer unha simple operación de fimosis” , “para Estúa coa xestión que o PP está a facer da sanidade pública imos camiño de volver 30 anos atrás mentres algúns sacan boa tallada do negocio sanitario”
Chamamento a unha mobilización necesaria e plenamente xustificada
Os nacionalistas cervenses fixeron un chamamento a participar da manifestación que a plataforma SOS SANIDADE PÚBLICA ten convocada o próximo domingo en Compostela e convidaron a reservar prazas nos autobuses que partirán da comarca nos teléfonos 982581861, 982129261 e 982561001. Os mariñaos e mariñás teñen sobradas razóns para participar xa que nesta mobilización estámonos xogando que o Hospital da Costa siga a ser un centro hospitalario de referencia que manteña os servizos sanitarios ou que pase a ser un ambulatorio grande tal como ten deseñado a Xunta de Galiza”. “É o momento de obrigar ao PP a rectificar a súa política sanitaria”recalcou Estua que indicou que “con ver o Decreto de Reorganización dos Servizos periféricos do SERGAS ou o diñeiro que nas contas públicas para 2011 destina a Xunta ao Hospital da Costa”.
Por último, para o BNG de Cervo “as políticas do Partido Popular en materia de sanidade levan á privatización, ao estrago de recursos públicos e, á larga, a un peor servizo sanitario para todos e todas”. As consecuencias do drástico recorte do Goberno de Feijóo en gasto social están á vista de todos e todas: máis listas de espera, privatizacións e empeoramento do servizo con consecuencias que os veciños e veciñas de Cervo xa están sufrindo.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
