Nota de prensa:
Mondoñedo, 23 de novembro de 2010
AS XUNTANZAS DO GDR COS SECTORES AGRARIO E FORESTAL ESTÁN A DESENVOLVERSE CUNHA IMPORTANTE PARTICIPACIÓN.
Nas dúas xuntanzas que se levan celebrado ata o momento participaron ao redor de cincuenta explotacións destes sectores .
No día de onte tivo lugar a primeira das xuntanzas que o GDR está a desenvolver cos sectores agrario e forestal. A xuntanza foi na parroquia de Sante, en Trabada, e a ela acudiron ao redor dunhas trinta persoas.
Na mañá de hoxe, a cita tivo lugar en Cubelas, no concello de Ribadeo. Nesta ocasión a afluencia rondou as vinte persoas.
Tanto nunha como noutra, os asistentes recibiron información sobre as liñas de axuda do programa Leader 2007-2013 na comarca de A Mariña; pero ademais, aproveitaron para falar sobre a situación do medio rural en xeral e dos sectores primarios en particular. Neste sentido, xurdiron propostas de realizar xornadas e cursos de interese para as explotacións, de traballar conxuntamente no desenvolvemento dalgúns proxectos de aumento do valor dos produtos agrarios e quedaron emplazados á realización doutras xuntanzas para continuar co traballo iniciado nestes días.
Mañá tocaralle a quenda ás explotacións que acudan á reunión que terá lugar nas Escolas de San Xusto, en Barreiros, ás 12 horas. E o venres, á mesma hora, realizarase no centro comarcal de Mondoñedo.
O GDR VALORA POSITIVAMENTE A PARTICIPACIÓN DOS SECTORES.
Desde o GDR amósanse satisfeitos e valoran positivamente o acollemento que están tendo estas xuntanzas, xa que “ é fundamental contar con estes sectores para un desenvolvemento rural efectivo”, aseguran.
Ademais, engaden que “estas xuntanzas non son máis que o primeiro paso para continuar cun traballo no ámbito do desenvolvemento rural que coordine e aproveite as sinerxias dos sectores agrario e forestal. Vendo o interese amosado nestas xuntanzas, non tardaremos moito en realizar as primeiras xornadas técnicas sobre algúns dos temas que se sinalaron nestes días.”
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
