O festival concluíu co anuncio do seu XXI Edición: os próximos 1, 2, 3 e 4 de xullo de 2026
Viveiro, 30 de xuño de 2025. A edición 2025 do Resurrection Fest Estrela Galicia chegou ao seu fin consolidándose como a máis grande, multitudinaria e exitosa na historia do festival. Durante os catro días de celebración, un total de 141.376 persoas pasaron polo recinto de Viveiro, reafirmando unha vez máis a dimensión internacional deste evento único.
O Resurrection Fest volve ratificarse como un dos festivais máis grandes de España, tanto pola súa afluencia como pola súa impecable organización e o seu cartel de primeiro nivel. Ademais, eríxese de novo como un dos festivais de rock e metal máis importantes de toda Europa, atraendo a fans de máis de 40 países e reunindo ás bandas máis destacadas do panorama internacional.
Aínda que aínda queda por completar o estudo detallado, a organización estima que o impacto socioeconómico xerado polo festival na comarca superará os 30 millóns de euros, grazas á creación de máis de 1.500 empregos directos e máis de 4.000 indirectos en sectores crave como a hostalería, o transporte, a seguridade e os servizos técnicos.
En canto á súa presenza mediática, un estudo auditado confirma que a repercusión en medios de comunicación xa supera os 25 millóns de euros, reafirmando o poder de convocatoria e influencia do festival a nivel nacional e internacional.
Desde a organización quérese expresar un agradecemento moi especial a todas as persoas que fixeron posible esta edición histórica. En particular, á Xunta de Galicia, cuxo patrocinio e participación activa foron fundamentais para o desenvolvemento do festival; á Deputación de Lugo, tamén patrocinador e peza crave no crecemento e consolidación do evento. Tamén ao Concello de Viveiro, cuxa axuda é indispensable para a realización do festival. A Estrela Galicia, principal patrocinador privado e aliado imprescindible nestes 20 anos de historia conxunta. O seu compromiso continuo foi esencial para posicionar o Resurrection Fest como unha referencia internacional.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
