O secretario xeral de Emprego e Relacións Laborais, a directora xeral de Traballo Autónomo e Economía Social e a directora xeral de Formación Profesional, participaron en Rábade no acto conmemorativo do Día do Cooperativismo Galego
Rábade, 5 de xullo de 2025. O secretario xeral de Emprego e Relacións Laborais, Pablo Fernández, a directora xeral de Traballo Autónomo e Economía Social, Marta Mariño, e a directora xeral de Formación Profesional, Eugenia Pérez, participaron hoxe en Rábade no acto en conmemoración do Día do Cooperativismo Galego, no que se recoñeceron as iniciativas premiadas nos Premios á Cooperación 2025 e na modalidade do concurso para proxectos empresariais cooperativos do Certame Cooperativismo no Ensino, que premia a centros de formación profesional e de ensinanzas de réxime especial. Nel tamén participou a alcaldesa do municipio, Remedios González.
Esta edición do evento, celebrado nas instalacións da cooperativa Rabadense de Transportes e impulsado pola Consellería de Emprego, Comercio e Emigración, en colaboración co Consello Galego de Cooperativas (Cogaco), coincide coa conmemoración do Ano Internacional das Cooperativas e vai na liña do lema internacional As cooperativas promoven solucións inclusivas e sostibles para un mundo mellor.
Durante a xornada, Pablo Fernández e Marta Mariño felicitaron aos premiados e, na clausura, o secretario xeral de Emprego e Relacións Laborais salientou que o Goberno galego seguirá impulsando o cooperativismo como un piar clave da economía galega dentro da súa aposta pola economía social.
Neste ano, para este ámbito, a Xunta ten orzados case 45 millóns de euros e impulsou a Estratexia galega da economía social: horizonte 2027. Ademais, avanzará na nova Lei de cooperativas de Galicia, lexislando e adaptando a normativa á realidade actual e ao futuro da nosa Comunidade, co obxecto de axilizar a creación de novas entidades e de consolidar as xa existentes.
Entrega de premios
Os Premios á Cooperación 2025, impulsados polo Goberno autonómico para recoñecer a excelencia e o compromiso dos proxectos cooperativos galegos foron para Rexenerando, co galardón aos valores cooperativos; Illa Bufarda, co recoñecemento ao mellor proxecto cooperativo novo; e a cooperativa Lemos, co premio á traxectoria cooperativa.
En canto aos premios de Cooperativismo no Ensino na modalidade de mellor proxecto empresarial cooperativo, este ano recoñécese co accésit ao proxecto Maruxía, da Sociedade Cooperativa Galega Mendiño (Vigo), e co primeiro premio a Milgranda, Sociedade Cooperativa Galega, do IES Rosalía Mera (A Coruña).
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
