O voceiro popular pon como exemplo o Camiño de San Rosendo, que une a Rexa coa Fábrica da Luz, na parroquia de Celeiro de Mariñaos, unha zona na que urxe desbrozar xa que dá acceso a varias vivendas; ou o barrio de Vilar, en San Cosme, unha zona moi empregada xa que é unha alternativa que usan moitos condutores para chegar á Nacional
Barreiros, 14 de xullo de 2025. Os concelleiros do PP de Barreiros denuncian que a mediados de xullo o goberno local do BNG aínda non rematou os traballos de desbroce e limpeza das vías municipais, “unha imaxe moi mala para a veciñanza e para os turistas que xa están nos areais”.
O voceiro popular, José Manuel Gómez Puente, denuncia que son varias a rúas de titularidade do Concello nas que aínda non se actuou a pesar de que “ás alturas de xullo nas que nos atopamos os traballos xa terían que estar rematados, realizando xa tarefas de supervisión por se fose necesaria unha segunda pasada”.
José Manuel Gómez Puente pon como exemplo o Camiño de San Rosendo, que une a Rexa coa Fábrica da Luz, na parroquia de Celeiro de Mariñaos, unha zona na que urxe desbrozar xa que dá acceso a varias vivendas; ou o barrio de Vilar, en San Cosme, unha zona moi empregada xa que é unha alternativa que usan moitos condutores para chegar á Nacional
O voceiro popular recorda que “non todos os anos podemos estar a dar esta mala imaxe” sobre todo porque “Barreiros ten medios propios suficientes” para poder programar e iniciar estes traballos con antelación “e garantir a seguridade viaria e non dar imaxe de abandono”.
José Manuel Gómez Puente recorda á rexedora a necesidade de manter un plan de limpeza e desbroce durante todo o ano, xa que “non se pode deixar o municipio abandonado e tentar lavar a cara en dúas semanas como sucedeu este e nos últimos anos”.
José Manuel Gómez Puente insiste en que o desbroce non so contribúe a mellorar a imaxe do municipio, senón que axuda a “mellorar a seguridade viaria” garantindo a visibilidade en numerosos cruces e curvas, así como para ver sinais de tráfico que agora están cubertas pola maleza.
Ademais, o voceiro popular recorda que o Concello de Barreiros ten dous tractores, un deles financiado pola Deputación, para poder realizar estes traballos “polo que non se entende esta demora nos traballos”.
Ademais, Gómez Puente recorda que hai moitas zonas xa desbrozadas, como o acceso á praia do Acantilado, nas que a herba non se recolleu e se deixou tirada “dando tamén unha mala imaxe”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
Reyco Burela FS convoca a todos os socios e socias á Asemblea Extraordinaria que se celebrará o martes 28 de abril no salón de conferencias de Burela (antiga biblioteca) nunha primeira convocatoria prevista para as 20.00 h. e segunda para as 20.30 h. O acceso será única e exclusivamente para socios e socias, que deberán asistir á xuntanza co carné de socio/a e o DNI. Orde do día: 1. Lectura e aprobación da acta anterior. 2. Situación económica xeral. 3. Procedementos xudiciais contra o club. 4. Accións adoptadas para a continuidade do club. 5. Rogos e preguntas
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
