Sendo alcaldesa de Viveiro, María Loureiro, unha cuestión preocupaba ao Grupo Municipal do Partido Popular: o estado da rampa de sillares de pedra anexa á Ponte da Misericordia.
O día 10 de xaneiro de 2024, a entón concelleira María Gueimunde realizaba a seguinte declaración á prensa:
“A rampa constitúe un perigo para os rapaces e escolares que pasan diariamente polas súas inmediacións para acudir aos centros de ensino.” Para alén diso, no pleno municipal, celebrado ese mesmo días, formulou ao equipo de goberno as seguintes preguntas:
1. ¿Cal é a situación en tempo real do expediente?
2. ¿Cales foron as conclusións da reunión a tres bandas que tiña como fin determinar as competencias para o seu arranxo?
3. ¿Contempla o Concello algunha actuación para reparar a rampa?, ¿En que momento?
Foi o concelleiro Jesús Fernández Fernández, en representación do goberno de coalición PSOE-BNG, quen deu cumprida resposta a cada unha das cuestións.
Agora, dende a moción de censura do 7 de marzo de 2025, María Gueimunde é a nova alcaldesa de Viveiro. Durante os meses de xullo e agosto, numerosos veciños teñen transitado pola zona en cuestión. A día de hoxe, co comezo do novo curso escolar, son as alumnas e alumnos dos centro escolares, Luis Tobío, Vilar Ponte e María Sarmiento os que empregan a cotío. Como é facilmente constatable, o perigo persiste, agravándose ademáis, cada día de pasa as condicións da rampa. ¡Urxe, polo tanto, o seu arranxo inmediato!.
Señora alcaldesa, o día sete de febreiro de 2025 intenteuse deitar luz sobre este asunto cun artigo no Heraldo de Vivero baixo o título “Portos de Galicia elude a súa responsabilidade (II)”. No artigo arguméntase polo piudo, e através de datos recollidos no propio Concello, que a titularidade da zona corresponde a Portos de Galicia, ente adscrito á Consellería do Mar da Xunta de Galicia. Cómprenos lembrar que o orzamento da Xunta que dirixe o señor Rueda ascende este ano a trece mil novecentos cincuenta e catro millóns de euros. Entrementres cumpríaranse catro anos mes de febreiro do comenzó do deterioro da rampa anexa á Ponte da Misericordia.
Esta situación é unha proba máis do trato discriminatorio que o goberno galego do Partido Popular leva exercendo durante anos sobre o conxunto da veciñanza de Viveiro.
Jesús Fernández Cal
Vice-Secretario de Organziación PSdeG-PSOE de Viveiro
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
