O prazo de exposición pública estará aberto do 20 de outubro ao 7 de novembro, e o pago voluntario poderá realizarse ata o 22 de decembro
Viveiro, 18 de outubro de 2025. O Boletín Oficial da Provincia publicou onte o anuncio de aprobación do padrón fiscal da «Taxa por ocupación de terreos de uso público local con mesas, cadeiras e outros elementos análogos con finalidade lucrativa (terrazas ano 2025)» do Concello de Viveiro, cun importe total de 60.163,38 euros. Con esta publicación, ábrese o período de exposición pública por espazo de 15 días hábiles, que se prolongará dende o luns 20 de outubro ata o 7 de novembro. As persoas interesadas que teñan dúbidas ou desexen realizar consultas sobre as liquidacións poden dirixirse ao Departamento de Tesourería do Concello.
O prazo de pago voluntario da taxa será do 22 de outubro ao 22 de decembro de 2025. As persoas que teñan o recibo domiciliado poderán solicitar o seu fraccionamento en tres prazos, co envío dos recibos nas seguintes datas: 18 de novembro, 18 de decembro e 18 de febreiro. As solicitudes de fraccionamento deberán presentarse antes do 6 de novembro. No caso de non solicitalo, o recibo domiciliado cargarase na súa totalidade o 18 de novembro de 2025.
De cara ao vindeiro ano, o Concello lembra que os establecementos que desexen instalar terrazas deberán presentar a súa solicitude, acompañada de toda a documentación requirida, antes do 31 de marzo. En caso contrario, non se lles autorizará a colocación da terraza.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
