Si, pregúntome cando non é Nadal. Comezos de Novembro e o alumeado de Nadal está dilixentemente disposto pola zona centro do pobo. E por esa zona estará ate despois de Reis. Non, non estamos a falar de Vigo ou algunha desas vilas dun certo tamaño coas que a cidade olívica compite ano tras ano, senón dun pobo que oscila entre 13 e 17 concelleiros. Claro que, en gasto por habitante nas luces do Nadal e falando por anos pasados (a falta de coñecer os datos deste ano), non lle ten nada que envidar a esas cidades ó estar no mesmo nivel de gasto por habitante (un exemplo: só a instalación, non consumo, hai 5 anos, xa ía por 2,39 €/persoa en Ribadeo e 2,75 €/persoa en Vigo). Pero iso vai no esforzo do Nadal (que aumenta máis por outros conceptos), non na duración. E é que polo que parece, o Nadal non chega con vivilo, hai que esforzarse en desfrutalo, dentro dunha tendencia xeneralizada non a sentirse feliz como algo persoal e social, senón a loitar pola felicidade como algo a mercar e conquistar.
Vale, postas as restras de luminarias nas rúas, engalanados os comercios con abetos, os turróns xa a disposición nas tendas, a lotería do 22 de decembro na rúa xa hai moito tempo, algunhas vivendas acendendo as luces que aínda quedaron do ano pasado sen recoller… estamos xa no Nadal!. Así que, cando non é Nadal? A festividade do Nadal é o 25 de decembro, o calendario mantense testán nesa data nesta zona do planeta. Mais se nos deixamos levar polas luces, só non sería Nadal dende mediados de xaneiro a finais de outubro. Pero é algo móbil: o período é elástico, e estírase, estírase… pode que ata un día, rache!
Para cualificar se estamos no Nadal, estoume a fixar nos signos externos que se van acumulando, aínda que na súa inflación podan confundirse con sinais de antroido, de Samaín (si, Halloween, si), indianos…. E é que os signos internos a cada persoa son abondo máis difíciles de notar, nuns tempos no que o ambiente se vai facendo máis e máis festivo con calquera motivo, co fin de aumentar o consumo, o gasto, e a ganancia dalgúns coa venda de ‘ilusión’ a todos. Aínda así, o día 25 de decembro poderase recorrer algunha zona do pobo sen máis luz da habitual: ‘sempre houbo diferenzas’.
O estiramento do Nadal sen atisbar o fin pode facelo rachar, si. Mentres, só queda que a alguén se lle ocorra algo como que toda a xestación xa é un pre-parto (unha idea que xa campa noutros temas) e con iso o Nadal se estenda a nove meses e unha semana de cada ano. Tocaría entón desfrutar do non-Nadal como tempo máis escaso?
A restrición de circulación manterase durante a xornada mentres se desenvolvan os labores, que teñen como obxectivo garantir a seguridade viaria e facilitar a execución dos traballos. Durante este tempo, as persoas que necesiten acceder ás zonas de Santo Albites, Pénjamo ou San Lázaro deberán facelo polo acceso de Río dos Foles. O Concello de Viveiro agradece a comprensión da veciñanza e recomenda extremar a precaución e seguir a sinalización habilitada mentres duren os traballos.
Félix Jorquera pasará polos micrófonos de RadioVoz ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
Comezou o mércores ás 13,35 horas e para a súa extinción mobilizáronse, ata o de agora, 2 técnicos, 10 axentes, 20 brigadas, 17 motobombas, 3 pas, 3 helicópteros e 2 avións. 
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
