Viveiro, 4 de decembro, 2025. O BNG de Viveiro amósase satisfeito polo anuncio de Augas de Galiza de que instalará novos medidores para o control da calidade da auga e para a detección temperá de posibles vertidos no río Landro, tal e como demandara hai meses a formación nacionalista.
A voceira do BNG, Iria Cotelo, sinalou que “unha vez superada a última emerxencia, desde o BNG fixemos fincapé na necesidade de contar con máis e mellores medidas preventivas ante posibles episodios de contaminación que poidan afectar tanto ao medio ambiente como ao abastecemento de auga potable”. Segundo explicou, esta infraestrutura de control é clave para garantir unha resposta rápida e eficaz ante calquera incidencia.
Cotelo lembrou tamén que, no seu momento, a alcaldesa Mariña Gueimunde rexeitara de maneira “airada” a proposta de adoptar medidas preventivas, chegando mesmo a desbotar a súa necesidade. “O feito de que agora Augas de Galiza e a Consellería de Medio Ambiente dean a razón ao BNG de Viveiro demostra que o Partido Popular non está á altura das circunstancias no goberno local”, sentenciou.
Para a formación nacionalista, este episodio “é un novo erro na xestión de Gueimunde fronte ás propostas serias e rigorosas do BNG”. Ademais, lembran que seguen sendo necesarias melloras tanto na potabilizadora de Landrove como na rede de abastecemento. Nese sentido, o BNG presentou unha moción no pleno de decembro que foi aprobada por unanimidade.
“Desde o BNG de Viveiro continuaremos demandando investimentos e actuacións que garantan a seguridade da auga, a protección do noso medio natural e un servizo de calidade para toda a veciñanza”, concluíu Cotelo.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
