Os burelenses logran tres puntos moi importantes para alonxarse dos postos de descenso e manter a categoría
Burela, 7 de febreiro, 2026. Arrinca ben o Reyco Burela anotando o 1-0 no minuto 3, un tanto de Izan que finaliza desde a área un saque de banda. No minuto 14 o conxunto local empata o partido: Ureña rouba o balón en campo contrario e cédeo a Joseliyo, que anota a porta baleira.
Na segunda parte, os de Juanma Marrube impóñense anotando un primeiro tanto no minuto 25, un gol de Alberto que, cunha xogada individual, remata coa dereita para adiantar de novo aos visitantes. Charly ampliaría a vantaxe no 31 tras roubar un balón en área contraria e finalizar cun potente dereitazo que supera a Quesada.
Os locais apostan por Titín como porteiro-xogador e logran achegarse no marcador (2-3) no minuto 37, cun gol de Luque rematando ao segundo pau unha asistencia de Jackson tras unha boa combinación ofensiva do conxunto de Quique García. O Avanza insiste ante a férrea defensa burelense, pero chega o definitivo 2-4: Izan captura un balón morto e dispara a portería baleira para sentenciar o encontro.
Ficha Técnica Avanza Jaén Paraíso Interior 2-4 Reyco Burela FS
Avanza Jaén Paraíso Interior (2): Cone; Dani Giasson, Ureña, Pablo Escribano, Titín -quinteto inicial-, Iván Gemes, Luque, Hugo Martínez, jackson, Enzo Báez, Joseliyo, Mario, Antonio Quesada (P).
Reyco Burela FS (4): Torero; Pitero (C), Charly, Raid Izan, -quinteto inicial-, Alán, Jason, Bingyoba, Mauro, Alberto, Nico, Lautaro (P)
Goles: 0-1, min. 3: Izan. 1-1, min. 14: Joseliyo. 1-2, min. 25: Alberto. 1-3, min. 30: Charly. 2-3, min. 37: Luque. 2-4, min. 39: Izan.
Árbitros: Diego Sarasúa // Juan Haedo // Alberto Alguacil // Tiare Belén Valencia. Por parte do Avanza Jaén viron a tarxeta amarela Ureña (16′), Enzo Báez (18′) e Jackson (20’). Por parte do Reyco Burela, Mauro (31′), e veu a tarxeta vermella, Bingyoba (40’).
Incidencias: Partido correspondente á xornada 18 de Segunda División Masculina disputado no pavillón La Salobreja de Jaén
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
