Trabada, 7 de marzo, 2026. O Concello de Trabada asinou o pasado venres un convenio coa Deputación de Lugo polo que a institución provincial asumirá o custe total da diferenza entre o prezo real das prazas da residencia de maiores e o importe que abonan as persoas usuarias. Deste modo, o Concello só terá que facer fronte a pequenos gastos de mantemento, garantindo a continuidade dun servizo esencial para a poboación maior do municipio.
O alcalde de Trabada, Rubén García, subliñou a relevancia deste acordo e destacou que “este é o modelo de centro de maiores que funciona, o modelo ideal para a nosa provincia. O paso dado pola Deputación, asumindo o custe de todos os centros de maiores da provincia, reflicte ese compromiso e protexe aos concellos pequenos como Trabada”.
García agradeceu o apoio da presidenta da Deputación de Lugo, Carmela López, e do deputado Pablo Rivera, así como de toda a institución provincial, polo seu esforzo para garantir que os servizos básicos destinados á poboación maior non se vexan afectados e para contribuír á viabilidade dos concellos máis pequenos.
Desde a Alcaldía, o Concello de Trabada reitera o seu compromiso coa protección dos servizos públicos esenciais, impulsando medidas que permitan manter unha atención de calidade ás persoas maiores do municipio.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.
