Burela, 21 de marzo, 2026. A Asociación de Veciños O Vencello manifesta a súa preocupación polos problemas de tráfico que previsiblemente se intensificarán en Burela debido ás múltiples obras de infraestrutura que se están a executar na zona do porto, así como polas recentes modificacións do tránsito nalgunhas rúas do municipio.
Obras prolongadas e novos proxectos que agravan a situación
A entidade lembra que a prolongación dos traballos no dique norte e na canalización do novo saneamento municipal leva máis dun ano condicionando de maneira significativa a circulación viaria. Ademais, nos próximos meses sumarase a construción da planta de salmón no Berbés, o que —segundo sinalan— podería agravar aínda máis a xa delicada situación do tráfico, especialmente no que respecta ao tránsito de camións de gran tonelaxe polos barrios próximos ao porto e, por extensión, polo resto da vila.
Preguntas ao Concello sobre o plan de tráfico
O Vencello pregunta se o Concello dispón dun plan de tráfico específico para afrontar os problemas derivados da coincidencia destas obras, que están a provocar un incremento notable do paso de vehículos pesados polas rúas do núcleo urbano. A asociación lembra que unha das principais vías de entrada e saída —a estrada do porto— continúa pechada sen que exista unha previsión pública de reapertura.
Solicitude de prazos e previsións
A asociación solicita tamén información sobre os prazos de finalización das obras actualmente en marcha (dique norte e saneamento), así como as previsións de cando poderá restablecerse o tránsito pola estrada do porto e pola conexión do Berbés coa Avenida Arcadio Pardiñas.
Competencias municipais en materia de tráfico
O Vencello recoñece que o tramo de estrada afectado non é de titularidade municipal e depende de Portos, pero lembra que o Concello ten competencias para ordenar o tráfico, garantir a seguridade viaria e aplicar medidas como a retirada de vehículos ou a imposición de sancións. Por iso consideran necesario obter respostas claras por parte dos responsables municipais.
Un “cóctel explosivo” para a circulación en Burela
A asociación advirte de que a combinación da recente reorganización do tráfico no casco urbano (eliminación de prazas de aparcamento, peches de circulación en determinadas rúas), as obras actuais e futuras no porto, a proximidade das festas patronais e o aumento de actividade pola costeira do bonito pode desembocar nun grave colapso circulatorio nas próximas semanas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
