Lourenzá, 23 de marzo de 2026. A alcaldesa de Lourenzá, Rocío López García, aclara que o Concello dispón dun secretario asignado pola Deputación Provincial de Lugo: “hai uns días o Partido Popular lanzaba á prensa unha información falsa que nada ten que ver coa realidade, na que afirmaba que a Deputación Provincial lle negaba asistencia técnica ao Concello de Lourenzá para realizar as xestións diarias, ante a falta de secretario. Á vista desta información, como alcaldesa e máxima responsable deste Concello, considero preciso aclarar a situación para que os veciños estean verazmente informados. Quero aclarar que a Deputación de Lugo prestou colaboración inmediata para cubrir temporalmente a figura do secretario-interventor tan pronto como lles foi solicitada. A día de hoxe e grazas á disposición e a axuda do ente provincial dispoñemos dun secretario asignado pola Deputación que nos está a axudar nos trámites do día a día”.
A rexedora municipal manifesta que “o Partido Popular, unha vez máis, xoga ao que nos ten acostumado, a mentir e difundir información falsa que non se corresponde para nada coa realidade, aproveitando a situación e creando inseguridade na veciñanza. En fin, un comportamento agardado neles, non é sorprendente que cando todos deberíamos sumar e remar na mesma dirección, o Partido Popular empregue a situación para dividir e crispar, en lugar de axudar e arrimar o ombro. Que bo sería que por unha vez, deixaran as cores políticas un pouquiño de lado e primaran os intereses comúns de todos, que son o ben común da veciñanza”.
Rocío López engade: “aproveito para agradecer a colaboración da Deputación e da súa presidenta, que a través da Área de Cooperación cos Concellos, nos está a prestar este servizo e nos está permitindo ir avanzando pouco a pouco coas tarefas que están pendentes. Agardamos tamén poder en breve celebrar o pleno, xa que é certo que non puidemos levar a cabo as últimas convocatorias, tal e como estaba previsto e nos gustaría facer. E mentres tanto quero dicirlles aos concelleiros do Partido Popular que aquí nos terán sempre que queiran aportar e sumar, que é o cometido para o cal fomos escollidos. Tamén debo advertirlles que non imos permanecer calados ante a difusión de mentiras e de información falsa que non se axusta á realidade porque os veciños merecen sempre saber a verdade”.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
