Viveiro, 26 de marzo, 2026. O Grupo Municipal Socialista de Viveiro presentou unha moción co obxectivo de asegurar que todos os grupos e asociacións locais que formen parte da programación das festas patronais organizada directamente polo Concello reciban unha compensación económica pola súa actuación.
Desde o PSOE explican que nas festas conviven dous modelos de organización: por unha banda, a comisión de festas e, por outra, a programación cultural impulsada polo propio Concello. É neste segundo ámbito onde consideran imprescindible establecer criterios claros, transparentes e iguais para todos os colectivos.
Situacións inxustas na última edición
Os socialistas denuncian que na última edición das festas se produciron situacións desiguais: algúns colectivos locais participaron na programación municipal sen recibir ningún tipo de retribución, mentres outros si foron remunerados, sen que existise un criterio común.
“Non se pode pedir profesionalidade, compromiso e dispoñibilidade aos grupos locais e, ao mesmo tempo, pretender que traballen gratis dentro da programación municipal”, sinalan.
O PSOE lembra que moitos destes grupos colaboran durante todo o ano en actividades benéficas e sociais de maneira totalmente altruísta. Porén, consideran que esta disposición non pode trasladarse á programación ordinaria das festas.
“Para os actos benéficos, sempre están; pero para a programación do Concello, o mínimo é o respecto e unha retribución”, subliñan.
Unha cuestión de criterio, non de recursos
Os socialistas destacan que non se trata dun problema económico: as cantidades que se manexan son modestas —moitas veces inferiores aos 1.000 euros— dentro dun orzamento global das festas que ronda os 200.000 euros e que ademais conta con achegas doutras administracións.
Por iso, consideran que o verdadeiro problema é a falta de criterios e prioridades claras.
Proposta para garantir igualdade de trato
A través desta moción, o PSOE de Viveiro propón establecer un sistema que asegure que todos os colectivos locais sexan tratados en igualdade de condicións dentro da programación municipal das festas, evitando que se repitan situacións nas que uns grupos cobren e outros non.
“Os grupos locais son parte fundamental da vida cultural de Viveiro e merecen un trato digno e xusto”, conclúen.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
