Os populares teñen aprobado unha iniciativa no Senado; pero, “a pesar das reiteradas promesas do Goberno de Sánchez, grandes áreas da provincia de Lugo continúan sen cobertura de telefonía móbil nin acceso a fibra óptica, unha situación que lastra o desenvolvemento laboral, educativo e económico de veciños e empresas”
Trabada, 8 de maio de 2026. “O Goberno de Sánchez non ten intención de despregar redes de fibra óptica nas parroquias de Valboa e Ría de Abres, no municipio de Trabada”, segundo se desprende da súa resposta oficial ante as preguntas formuladas polos senadores do PP lucense José Manuel Barreiro, José Manuel Balseiro e Juan Serrano.
Os populares esixían por escrito explicacións sobre os motivos que xustifiquen o despregamento parcial da banda ancha de alta velocidade mediante fibra óptica no municipio do que se exclúen estas dúas parroquias. Así mesmo, os senadores preguntaban polas previsións do Goberno de España para incorporar Valboa e Ría de Abres nos seus programas para estender a fibra óptica.
Á vista de que “non responden ás nosas preguntas” porque “a resposta que ofrecen non se adecúa especificamente ao que preguntamos”, os populares entenden que “estas dúas parroquias de Trabada quedan fóra dos plans do Goberno de Sánchez”.
INICIATIVA NA COMISIÓN DE TRANSFORMACIÓN DIXITAL
Os senadores lucenses do Grupo Popular lograron aprobar na Cámara Alta a finais do 2025 unha iniciativa para instar ao Goberno de España a garantir o despregamento de infraestruturas de telecomunicacións nos municipios que o necesiten, ofrecendo o apoio necesario para que alcancen a toda a poboación. Concretamente instaba ao Executivo a garantir o acceso a telefonía móbil e fibra óptica na totalidade da provincia de Lugo toda vez que moitos lugares continúan sen cobertura de telefonía móbil nin acceso a fibra óptica, “unha situación que lastra o desenvolvemento laboral, educativo e económico de veciños e empresas”.
Balseiro lembra que, mentres o Goberno presume de pechar a fenda dixital e xestiona importantes fondos europeos destinados a conectividade, moitas zonas seguen excluídas pola renuncia de adxudicatarios ou pola falta de impulso efectivo da administración estatal.
FALTA DE PESO POLÍTICO DO ALCALDE
O portavoz do PP local, José María Fernández, asegura que “esta situación supón unha clara desvantaxe respecto ao resto do municipio” e “un agravio respecto das zonas que si dispoñen de conexión a fibra óptica”.
O popular defende a “igualdade de oportunidades para tódolos veciños e veciñas do municipio” e pregúntase “que xestións fixo o alcalde para tratar de resolver esta situación inxusta cos veciños de Valboa e Ría de Abres que resultan discriminados con respecto ao resto dos veciños do municipio de Trabada”. E incide en que, “unha vez máis, vemos a súa falta de peso para xestionar cos membros do seu partido con responsabilidades noutros Gobernos”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
