A Pontenova, 14 de maio, 2026. Este venres, 15 de maio, a Asociación de Veciños San Pedro de Ribeira abrirá as portas do Centro Social “Blanca Muruais” da Pontenova para a realización dunha clase gratuíta pensada para as persoas maiores da zona: “Reta a tu mente con estos juegos en línea de lógica y números”. Unha proposta desenvolvida por Canal Sénior e FEGAUS co obxectivo de achegar actividades innovadoras e accesibles ás zonas rurais de Galicia.
A sesión, que terá lugar de 12:00 h a 13:00 h, permitirá ás persoas asistentes descubrir diferentes xogos e recursos dixitais relacionados coa lóxica, os números e a axilidade mental, empregando ferramentas sinxelas e adaptadas para todos os niveis. A través de dinámicas prácticas e participativas, a actividade busca fomentar a estimulación cognitiva dun xeito próximo, entretido e útil para o día a día.
Esta iniciativa forma parte do convenio de colaboración recentemente asinado entre Canal Sénior, FEGAUS e a Asociación de Veciños San Pedro de Ribeira. Un acordo que nace co obxectivo de impulsar actividades culturais, tecnolóxicas e de envellecemento activo dirixidas ás persoas maiores da contorna.
Desde as entidades destacan a importancia de achegar este tipo de propostas ás zonas rurais, creando espazos de aprendizaxe, participación e encontro social onde a tecnoloxía se converta nunha ferramenta accesible ao servizo do benestar e da calidade de vida.
Sobre Canal Sénior
Canal Sénior é unha asociación sen ánimo de lucro que traballa desde 2017 para impulsar o envellecemento activo, a aprendizaxe ao longo da vida e a inclusión dixital das persoas maiores de 55 anos. A través da súa plataforma en liña, ofrece actividades gratuítas como obradoiros en directo, contidos audiovisuais, xogos formativos e propostas culturais pensadas para estimular a participación, a autonomía e o benestar do colectivo sénior. A súa misión é reducir a fenda dixital e social mediante o uso accesible da tecnoloxía, promovendo unha comunidade activa, conectada e en constante aprendizaxe.
Sobre FEGAUS
A Federación Galega de Asociacións Universitarias Sénior (FEGAUS) agrupa asociacións de alumnado sénior das universidades galegas, promovendo o acceso das persoas maiores á formación, á participación social e á cultura. Desde a súa creación, FEGAUS impulsou unha rede de colaboración interxeracional e territorial, especialmente comprometida co desenvolvemento rural e a loita contra a exclusión social. A través da súa participación en proxectos formativos, tecnolóxicos e sociais, a federación contribúe a unha Galicia máis inclusiva, activa e cohesionada para as persoas maiores.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
