Nota de prensa
O BNG INSTA AO CONCELLO A DAR INFORMACIÓN AOS VECIÑOS SOBRE O PLAN SECTORIAL DE SERVIZOS PARA BARREIROS QUE ESTÁ EXPOSTO AO PÚBLICO DESDE O PASADO 10 DE DECEMBRO. OS NACIONALISTAS QUEREN QUE TODAS AS PARROQUIAS SE VEXAN BENEFICIADAS POLOS 14 MILLÓNS DE EUROS DE INVESTIMENTO PREVISTO.
Barreiros, 25 de decembro de 2010. O BNG insta ao Concello a dar información aos veciños sobre o plan sectorial de servizos para Barreiros agora que se atopa exposto ao público. Os nacionalistas piden o mesmo tratamento para todas as parroquias barreirenses e non só para as catro ás que lles afectará dito plan.
Desde o BNG lembran que “desde o 10 de decembro o plan de servizos para Barreiros está a información pública por un prazo de dous meses, poderase ver e consultar ata mediados de febreiro”.
O portavoz do Bloque Nacionalista Galego, Antonio Veiga, insta “ao Concello de Barreiros a dar a máxima información sobre as zonas que cubre, a qué zonas lles afecta e, o que é máis importante e que lles preocupa aos veciños, qué zonas van quedar fora da influencia deste plan sectorial para dotar de servizos a Barreiros. Entendemos que sería unha auténtica mágoa que con estes 14 millóns de cartos públicos de todos os barreirenses, de todos os galegos e as galegas só se beneficiara unha pequena parte do concello, só aqueles que provocaron esta situación tan rara e tan incómoda no concello”.
Os nacionalistas pídenlle “ao Concello que dea a máxima información sobre o plan, porque de momento está a silenciala, ninguén sabe que ese plan sectorial está a información pública desde o pasado 10 de decembro e hai que estudialo polo miudo entre o Concello e entre os veciños. O BNG ofrécese para dar esa información aos veciños de todas esas parroquias que se ven afectadas. Estudando a fondo ese plan sectorial vemos que non dentro de todas as parroquias todas as vivendas van ter o mesmo tratamento, sería tremendamente inxusto e despois tería difícil solución co paso do tempo dar servizos á totalidade de Barreiros. Queremos que estes 14 millóns de euros sirvan para todos e para todas as localidades de Barreiros non só para catro puntos de cada unha das localidades que menciona o plan”.
Veiga Outeiro anima ao Concello “a dar toda esa información, a falar con todas as asociacións de veciños das parroquias e a informar polo miudo, porque o Concello ten medios e un técnico para facelo e ademáis é a súa obrigación. Desde logo que sabendo como está a traballar o Concello nos últimos anos desde o BNG entendemos que teremos que ser nós os que teñamos que dar esa información e traballar cos veciños para que o conxunto das parroquias se beneficien destes 14 millóns de euros e non só uns poucos”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
