“Desde o concello xa pedimos a cesión deses terreos”, asegura Marta Rouco, que lamenta “unha nova proposta do Partido Popular na que nin se preocupan de enterarse de que é a Xunta propietaria da parcela na que solicitan intervir”
Vilalba, 15 de maio de 2026. O Concello de Vilalba lémbralle ao Partido Popular que a Xunta de Galicia “é a titular da parcela” na que están as antigas vivendas de peóns ‘camineros’.
O concello da resposta desta forma á ultima proposta do PP, que anunciou nas últimas horas que pedirá ao Goberno central no Senado rehabilitar as antigas vivendas de peóns de Vilalba para dirixilas a alugueiro social.
A realidade é que a parcela na que están as vivendas está a nome da Xunta ao 100%; a parcela que está diante é dun 52% da Xunta e dun 48% do Ministerio de Transportes, e a parcela que está ao carón desta última, que non ten edificación ninguha, está a nome do Ministerio de Transportes ao 100%.
“O Concello de Vilalba xa solicitou a cesión desas parcelas, algo que xa notificamos á Demarcación de Estradas para a súa comunicación”, explica a alcaldesa de Vilalba, Marta Rouco, que lamenta “o novo exemplo de nula rigurosidade por parte do PP, que pide ao Goberno unha actuación nunha parcela da que é titular”.
Con relación a este tema, a Demarcación de Estradas está ademais a manter contactos coa Xunta de Galicia para a regularización das parcelas no Rexistro da Propiedade, paso previo para proceder á súa desafectación para a cesión ou venta destas.
Pola súa banda, o senador socialista César Mogo criticou que “os senadores do PP por Lugo volveron dar a nota ao reclamar que o Goberno de España reparase e destinase ao aluguer unhas casetas abandonadas dos peóns camiñeiros que, en realidade, están situadas nunha propiedade da Xunta de Galicia”. Para Mogo, trátase “dunha nova metedura de pata que se suma ao ranking de disparates que os senadores lucenses lideran comodamente na Cámara Alta”.
O senador sinalou que “non se sabe se é mala fe ou ignorancia, ou unha mestura de ambas”, pero considera evidente que “deron mostra de indocumentación ao esixir publicamente ao Goberno que actúe nunha propiedade que non lle pertence”. Engadiu que, “se tivesen algunha vocación de traballo, poderían informarse antes sobre a titularidade e dirixirse ao verdadeiro responsable, que é a Xunta de Galicia”.
Mogo lembrou que é a administración autonómica quen debe “encargarse da reparación das casetas e, posteriormente, destinalas ao aluguer, dado que dispón das competencias en materia de vivenda pública”. Por iso, reclamou que “agora sexan os senadores do PP quen lle esixan á Xunta que actúe, porque o que sería unha enorme desvergoña é que, advertidos do erro, non o fagan”.
O senador denunciou que esta situación “forma parte da fraude política que os senadores do PP practican cada semana: presentan iniciativas que moitas veces nin sequera se debaten e fanse a foto para ter presenza nos medios”. Segundo Mogo, “nada diso axuda aos lucenses, e menos aínda cando meten a pata por non informarse, como volven facer agora con Vilalba”.
Finalmente, advertiu que “o PP de Vilalba ten un grave problema ante a excelente xestión da alcaldesa e do equipo de goberno; e a iso súmase outro cada vez que os seus senadores visitan o municipio e se dedican a cometer erros que poñen en cuestión o seu propio crédito”.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
