Viveiro, 1 de xuño, 2026. O Grupo Municipal Socialista de Viveiro presentou varios rogos ao Goberno municipal relacionados con cuestións de seguridade, accesibilidade e transparencia administrativa en diferentes puntos do municipio.
En primeiro lugar, o grupo solicitou información sobre o estado de tramitación dunha reclamación presentada por veciños da zona de Manuel Gómez Blanco, na subida a Pénxamo, relativa á existencia dun cobertizo destinado ao almacenamento de leña nun patio particular. A veciñanza trasladou a súa preocupación ao Concello hai xa un tempo, polo que o PSOE pide coñecer se se abriu expediente, en que fase se atopa e se está prevista algunha resolución.
Nun segundo rogo, o Grupo Socialista reclamou actuacións urxentes na praia de Celeiro, onde a canalización de augas pluviais situada xunto ás escaleiras da Confraría de Pescadores quedou ao descuberto tras os temporais dos últimos meses. Esta situación supón un risco para as persoas usuarias do areal, especialmente ás portas da tempada de baño. Por iso, o PSOE pide ao Goberno municipal que realice as xestións necesarias ante Portos de Galicia para proceder ao recheo e acondicionamento da zona.
O grupo tamén expresou a súa satisfacción pola creación dun acceso directo entre o porto deportivo e a avenida Ramón Cañosa, unha demanda histórica da veciñanza e dos anteriores equipos de goberno. Porén, advertiu que o proxecto en execución contempla unicamente escaleiras, sen incorporar unha rampa accesible. O PSOE considera imprescindible garantir a accesibilidade universal e solicita que se modifique o proxecto para incluír unha rampa que permita o uso por parte de persoas con mobilidade reducida, familias con carriños ou persoas maiores.
Finalmente, o Grupo Socialista trasladou outro rogo relacionado coas obras de prevención de inundacións na Xunqueira. Debido aos traballos, un dos accesos habituais permanece cortado, obrigando os peóns a atravesar un prado particular que, en caso de choiva, presenta barro e humidade. O PSOE propón habilitar provisionalmente un camiño municipal existente, paralelo ao muro da finca, mediante unha limpeza e o estendido dunha capa de zahorra, garantindo así un paso seguro e accesible mentres duren as obras.
O grupo subliña que comparte a necesidade destas actuacións, pero considera fundamental minimizar as molestias á veciñanza e preservar, na medida do posible, os accesos a vivendas, fincas e servizos.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
