Viveiro, 8 de xuño, 2026. O Centro Comercial Histórico de Viveiro celebra o éxito da primeira edición do Concurso de Miniburguers, unha iniciativa impulsada pola Asociación de Comerciantes para dinamizar a hostalaría local e ofrecer unha proposta gastronómica diferente tanto á veciñanza como ás persoas visitantes.
Ao longo dos dous días de concurso, os sete establecementos participantes rexistraron unha gran afluencia de público, con locais cheos e un ambiente excepcional nas rúas do centro histórico. A iniciativa espertou un notable interese entre os clientes, que percorreron os distintos locais para degustar as creacións elaboradas especialmente para esta ocasión.
Tras o reconto das votacións realizadas a través da App ViveiroCCH, o establecemento gañador desta primeira edición foi Vinoteca Los Leones, coa súa Miniburguer Los Leones, preparada con carne de porco celta, rulo de cabra e cebola caramelizada. As votacións foron contundentes e deixaron patente a excelente acollida desta proposta, que recibiu numerosos eloxios polo seu sabor e pola combinación dos seus ingredientes.
Como recoñecemento, Vinoteca Los Leones recibiu a distinción da “Miniburguer Dourada”, converténdose no primeiro gañador deste novo certame gastronómico.
Ademais, entre todas as persoas que participaron nas votacións a través da aplicación, realizouse o sorteo dunha cea para dúas persoas. O afortunado foi Pedro del Valle, quen recibiu o seu premio da man de Cristina Rodríguez e Gracia Gonçalves, presidenta e secretaria do CCHV.
Desde a organización fan unha valoración moi positiva desta primeira edición, que superou as expectativas tanto pola implicación dos establecementos como pola extraordinaria resposta do público. O éxito da convocatoria confirma o interese por iniciativas que combinan gastronomía, lecer e comercio de proximidade, contribuíndo a dinamizar a actividade económica e social do centro histórico.
Este concurso enmarcouse dentro das actividades da “Festa do Comercio”, celebrada o sábado 30 de maio para conmemorar o Premio Comercio Dinamización 2025 recibido polo CCHV o pasado mes de novembro.
Á vista dos excelentes resultados, a organización xa traballa coa intención de dar continuidade a esta iniciativa en futuras edicións, co obxectivo de consolidala como unha cita gastronómica de referencia dentro da programación do Centro Comercial Histórico de Viveiro.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
