O delegado territorial de Lugo, Alfonso Villares, explica que as empresas teñen de prazo ata o 16 de xullo para presentar ofertas e a previsión é iniciar a redacción do documento no último trimestre do ano
Viveiro, 11 de xuño de 2026. A Consellería de Vivenda e Planificación de Infraestruturas publicou hoxe a licitación do contrato de servizo para a redacción do proxecto construtivo da variante leste de Viveiro, por un investimento de máis de 391.000 euros.
O delegado territorial da Xunta en Lugo, Alfonso Villares, sinalou que o obxectivo é iniciar a redacción do documento no último trimestre deste ano; explicou que as empresas interesadas poden presentar as súas ofertas ata o día 16 de xullo e o prazo máximo de execución será de cinco meses.
Villares destacou a vontade do Goberno autonómico de impulsar esta infraestrutura, aproveitando os tempos de licitación do proxecto para culminar o estudo informativo e ambiental, en fase de presentación de alegacións ata o vindeiro luns día 15. Neste sentido, indicou que “os prazos de ambos trámites son totalmente compatibles, e claramente o proxecto desenvolverá o citado estudo informativo”.
O proxecto construtivo recollerá a solución técnica para executar a conexión entre a vía de alta capacidade (VAC) Costa Norte coas estradas LU-540 e LU-862 salvando a ría e o núcleo de Viveiro.
En concreto, terá un percorrido de 6,2 quilómetros, desde a glorieta de conexión na LU-540 no comezo da travesía da localidade ata a glorieta de inicio do corredor Celeiro- San Cibrao, ao cal se dá continuidade. O orzamento inicial previsto nesta actuación roldará os 40 millóns de euros, financiados integramente con fondos autonómicos.
O delegado territorial lembrou que se trata da alternativa con menor impacto para vertebrar as comunicacións nesta contorna de grandes valores naturais, reducindo o volume de tráfico na zona urbana e no tramo periurbano ata Celeiro.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
