No marco desta campaña divulgativa, tamén se inclúen charlas gratuítas en dez municipios que impartirá a doutora en astrofísica Lucía González. As dúas primeiras terán lugar o 29 de xuño en Foz e Viveiro
Lugo, 17 de xuño de 2026. A Presidenta da Deputación de Lugo, Carmela López, vén de anunciar este mércores que a institución provincial comezou a enviar material divulgativo e de protección por toda a provincia, co obxectivo de preparar aos veciños e veciñas de cara á eclipse solar que acontecerá o 12 de agosto. O reparto, no que se distribúen 35.000 lentes homologadas e 45.000 dípticos informativos, realízase a través dos concellos tendo en conta o número de habitantes de cada municipio.
Os recursos que se están a distribuír inclúe información sobre o inicio e o desenvolvemento da eclipse; os horarios previstos; os mellores puntos de observación; e recomendacións sanitarias para evitar danos na vista. Ademais, tamén se incorpora un código QR que dá acceso á páxina web https://eclipse.deputacionlugo.org/, posta en marcha pola institución provincial, e na que se ofrecen todos os detalles do fenómeno, así como contidos e recursos divulgativos para a cidadanía.
Carmela López recordou que “este fenómeno astronómico poderá verse desde a península ibérica tras máis de cen anos. Concretamente, a provincia de Lugo será un dos lugares máis privilexiados do mundo para observalo, xa que practicamente poderá contemplarse desde a totalidade dos concellos”.
10 xornadas divulgativas e gratuítas
A mandataria provincial avanzou que a Deputación de Lugo puxo en marcha unha campaña de divulgación sobre a eclipse, que xa se iniciou o pasado 4 de maio cunha conferencia inaugural da doutora en Astrofísica Lucía González Cuesta no Pazo de San Marcos. Esta primeira charla deu comezo a un programa máis amplo de actividades que “completamos con este reparto e outras dez conferencias informativas e gratuítas que se realizarán polo territorio lucense da man de Lucía González”. Nese sentido, detallou que a asistencia é libre ata completar aforo e que os veciños e veciñas que asistan poderán coñecer con máis detalles información e ferramentas que lles permitan gozar deste fenómeno de forma segura. A programación é a seguinte:
29 de xuño
– Concello de Foz – 11:30 horas no edificio CENIMA con capacidade para 70 persoas.
– Concello de Viveiro – 19:30 horas na Sala Multiusos do municipio. O aforo é de 80 persoas.
30 de xuño
– Concello de Vilalba – 11:00 horas na Casa da Cultura con entrada para 67 persoas.
– Concello de Meira – 19:00 horas na Casa da Cultura. O número máximo de asistentes é de 170 persoas.
1 de xullo
– Concello da Fonsagrada – 11:00 horas no Salón de Actos municipal de Os Chaos. O aforo é de 160 persoas.
– Concello de Cervantes – 19:00 horas no Salón Multiusos Casa da Catoira con capacidade para 60 persoas.
2 de xullo
– Concello de Antas de Ulla – 12:00 horas na Casa da Cultura. O aforo é de 200 persoas.
– Concello de Monforte de Lemos – 20:15 horas na Casa da Cultura Lois Pereiro. O número máximo de asistentes será 158.
3 de xullo
– Concello de Quiroga – 11:00 horas na Casa da Cultura. O aforo é de 159 persoas.
– Concello de Sarria – 19:30 horas na Casa da Cultura. O aforo é de 126 persoas.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
