Ribadeo, 25 de xuño de 2026. O 28 de xuño arrinca unha nova edición do Mercado dos Domingos, que se desenvolverá na contorna da Praza de Abastos de Ribadeo. Está organizado polo Concello en colaboración coa asociación de produtoras A Sucadoira.
O alcalde, Dani Vega, contou que “volven os Mercados dos Domingos, que darán comezo o 28 de xuño e se prolongarán ata o 11 de outubro no entorno da Praza da Abastos. O que queremos é seguir con esa vocación de aposta clara polos produtos de proximidade, polos produtos de calidade e desde logo todas estas persoas, todos estes produtores teñen un espazo que xa tradicionalmente teñen en Ribadeo”.
E tivo palabras de agradecemento para A Sucadoira: “agradecer á asociación a Sucadoira todo o traballo que está facendo conxuntamente co Concello e coa co Xunta, agradecer tamén á Xunta con ese impulso económico que tamén nos dá para facer actividades de promoción, de difusión e tamén de dinamismo do propio mercado e tamén agradecer a Área de Desenvolvemento Local, tanto a Silvia como a Marta, todo o traballo que están facendo conxuntamente coa Sucadoira”.
Vega subliñou: “empezamos outra vez con Mercado dos Domingos. Recordade que será de 9 a 14 horas na contorna da Praza de Abastos mercado de proximidade, mercado de calidade, Mercado dos Domingos en Ribadeo”.
O Mercado dos Domingos contará coa participación de 15 produtores e produtoras locais. A iniciativa converterá este espazo nun punto de encontro entre a veciñanza e o sector produtor da comarca, ofrecendo unha ampla variedade de artigos de proximidade e de elaboración artesanal
Entre os produtos que se poderán atopar figuran os da horta, coitelería, setas, pan e outras elaboracións e propostas vinculadas ao territorio e á produción local.
O obxectivo desta acción é apoiar o tecido produtivo de proximidade, dinamizar a contorna da Praza de Abastos e fomentar hábitos de consumo responsables e sostibles, reforzando ao mesmo tempo a conexión directa entre produtores e consumidoras e consumidores.
Ademais da oferta comercial, o mercado contará con actividades de dinamización pensadas para complementar a experiencia de compra e contribuír a crear un ambiente atractivo, participativo e familiar arredor do produto local. Esta programación busca non só incentivar as vendas, senón tamén visibilizar a calidade, a diversidade e o valor engadido dos produtos de proximidade, así como o papel fundamental que desempeñan as pequenas produtoras e produtores na economía local.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
