O partido lembra que o vehículo xa acumulou sancións anteriores e esixe “transparencia e responsabilidade” no uso dun recurso público destinado a servizos de emerxencia
Mondoñedo, 26 de xuño, 2026. O PSOE de Mondoñedo denuncia que o vehículo de Protección Civil está a circular coa ITV caducada, malia ser un recurso público financiado cos impostos de toda a veciñanza. Os socialistas avanzan que pedirán explicacións políticas ao PP na próxima sesión plenaria. “Queremos saber por que non se pasou a revisión cando correspondía e, o máis grave, por que continúa circulando un vehículo municipal sen a ITV en vigor”, sinalan.
Segundo explican, a ITV caducou no mes de maio, tal e como indica a pegatina do propio coche. O 12 de xuño acudiu á inspección, que resultou desfavorable. Ademais, lembran que o 13 de xuño a Xefatura de Tráfico requiriu o servizo de Protección Civil para asistir ao accidente de Maariz no que faleceu unha peregrina, co obxectivo de trasladar ao acompañante ata Lugo. Porén, o servizo non acudiu. “Que utilidade ten un servizo de emerxencias se, por falta de control do goberno local, non pode cumprir a súa función cando é necesario?”, pregúntanse. Engaden que, malia todo isto, o vehículo continuou circulando tanto tras a caducidade da ITV como despois do resultado desfavorable.
O PSOE destaca tamén que, no accidente de Maariz, o Concello optou por contratar un taxi para trasladar ao acompañante, “demostrando que existen alternativas seguras cando se actúa con responsabilidade”.
Dúas multas previas polo mesmo vehículo
Os socialistas lembran que non é un caso illado. Xa denunciaran dúas multas previas relacionadas co mesmo coche: unha por exceso de velocidade e outra na que, segundo o PSOE, o concelleiro de Obras deu positivo nun control de alcoholemia mentres conducía o vehículo municipal. “Falamos dun patrón de descontrol e uso inadecuado dun recurso público, que o PP non só non corrixe, senón que parece asumir con total normalidade”, afirman.
“O PP esquece as obrigas, pero non o uso social do vehículo”
Para o PSOE, resulta “chamativo” que o goberno local “esqueza” pasar a ITV e atender ás obrigas legais, pero continúe empregando o vehículo para actividades sociais. “Numerosos veciños e veciñas poden comprobar que o coche segue circulando, malia estar en situación irregular. Isto non é un despiste: é unha forma de gobernar”, denuncian.
Por todo isto, o PSdeG-PSOE de Mondoñedo esixe ao PP “transparencia, responsabilidade e o cumprimento estrito das obrigas legais en materia de seguridade viaria, especialmente cando se trata de vehículos destinados a servizos públicos e de emerxencia”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
