Centos de persoas seguen a rapa das bestas do Campo do Oso

Mondoñedo, 28 de xuño de 2026. O deputado de Rural Daniel García achegouse á rapa das bestas do Campo do Oso, que se celebrou este domingo e que contou coa colaboración da Vicepresidencia da Deputación de Lugo.

Centos de persoas seguiron o traballo das aloitadoras e aloitadores para rapar e identificar os cabalos dentro do curro, unha tradición que as ganderías de Santa María Maior, en Mondoñedo, manteñen xeración tras xeración.

O responsable provincial de Rural Daniel García destacou “o seguimento que ano tras ano ten esta actividade” e avogou porque ” a dimensión festiva e turística que acadou a rapa sirva tamén para unha maior valoración por parte da sociedade do traballo de gandeiras e gandeiros que a manteñen e que, coa súa labor diaria, contribúen á conservación do territorio e das paisaxes fronte ao abandono ou aos incendios”

A área de Rural da Vicepresidencia da Deputación achegou 16.000 á organizacion da rapa, boa parte deles destinados a investimentos no curro e noutros elementos de manexo do gando, contribuíndo un ano máis á continuidade desta celebración popular.

Durante a xornada, ofreceuse tamén unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.