Este será o terceiro ano consecutivo no que as praias orteganas conten con servizo de socorrismo, tras anos co servizo minguado ou mesmo sen el
Ortigueira, 12 de xuño de 2026. A tempada de verán xa arrancou en Ortigueira. Así o testemuña o inicio da actividade dos 8 socorristas e 2 patróns que velarán pola seguridade nas praias de Ortigueira e Espasante, e que as Bandeiras Azuis —máximo distintivo de calidade que poden obter os areais en España— xa ondean nas praias da Concha e Morouzos.
O cambio de situación das praias do municipio desde a chegada ao goberno local do actual alcalde, Valentín Calvín, foi radical. Este será o terceiro ano consecutivo no que Ortigueira contará con servizo de socorrismo. Antes de 2024 e desde 2016, este servizo de seguridade nas praias fora minguado e mesmo suprimido durante algúns anos pola falta de infraestruturas e de capacidade dos gobernos anteriores para poñelo en marcha. Esta cuestión sempre foi unha prioridade para o goberno de Calvín, que desde a súa chegada á alcaldía se puxo mans á obra para recuperar un servizo que considera “esencial” nun municipio “eminentemente turístico, más si cabe en la temporada estival”.
Deste xeito, xa se atopan nos seus postos de traballo os 8 socorristas (outros 2 serán contratados nos vindeiros días, chegando así aos 10 vixiantes) e 2 patróns que velarán pola seguridade dos bañistas na costa ortegana.
As Bandeiras Azuis volven ondear en Morouzos e na Concha
A gran novidade desta tempada é o regreso das Bandeiras Azuis. Este distintivo de calidade —o máis alto que pode conseguir unha praia en España— que outorga a Asociación de Educación Ambiental e do Consumidor (ADEAC) volve verse nos areais da Concha e Morouzos. Estes galardóns regresan ao municipio despois de perder o último no ano 2018 e que agora, grazas outra vez á implicación na mellora da calidade das praias por parte do goberno municipal, volven ser visibles nestas dúas praias.
Valentín Calvín fai un balance moi positivo da evolución do principal recurso turístico do municipio desde a súa chegada ao goberno. “Nos encontramos unas playas sin socorristas y que ya no aparecían en los ránkings de las mejores de Galicia, y, en apenas tres años, hemos sido capaces de revertir la situación”, afirma o rexedor.
“Siempre dijimos que esta era una de nuestras prioridades, y los hechos lo demuestran: hoy, cualquiera que vaya a la playa de Morouzos puede ver socorristas con medios adecuados y en buen estado, la Bandera Azul, mejores y más cómodos accesos, instalaciones a punto… esto no es flor de un día; es el resultado de meses de trabajo que ahora dan sus frutos. Eso sí, no nos conformamos, queremos seguir trabajando para que cada vez sean más las playas con Bandera Azul y dar el mejor servicio posible tanto a nuestros vecinos y vecinas como a los miles de turistas que nos visitan cada año”, resume Calvín.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
