As obras teñen por obxecto reparar, asentar e conferir unha protección permanente ás zonas que discorren en talude xunto á plataforma da vía
A Mariña, 1 de xullo, 2026. Adif licitou, por un importe de 3.131.256 euros, o contrato de obras de mellora da infraestrutura e reparación de desmontes entre os puntos quilométricos 42 e 58 do tramo Ferrol-Viveiro, na liña de ancho métrico Ferrol-Pravia, na provincia da Coruña.
O contrato inclúe a reparación dun total de seis trincheiras do tramo Ferrol-Viveiro, que implica a retirada da malla existente, o desbroce e tala de árbores, o saneamento dos taludes, traballos de limpeza, protección e reposición de mallas e outros materiais de reforzo.
En liñas xerais, os traballos teñen por obxecto reparar, asentar e conferir unha protección permanente ás zonas que discorren en talude xunto á plataforma da vía e que poden ser susceptibles de risco por choivas e outros factores climatolóxicos adversos. Esta actuación redundará na mellora da fiabilidade e calidade das circulacións ferroviarias.
Mellora da fiabilidade da liña Ferrol-Pravia
As obras de reparación dos desmontes entre Ferrol e Viveiro súmanse a outros proxectos semellantes que Adif está a levar a cabo na liña de ancho métrico Ferrol-Pravia co obxectivo de mellorar a fiabilidade da infraestrutura, nos que se investiron preto de 9 millóns de euros.
Neste sentido, Adif contratou recentemente, por 3,4 M€, os traballos de reparación doutras nove trincheiras no mesmo tramo Ferrol-Viveiro, tamén na provincia da Coruña.
Ademais, Adif destinou máis de 2 M€ en obras de reforzo de taludes e trincheiras en varios tramos da liña Ferrol-Pravia ao seu paso pola provincia de Lugo, concretamente na zona da praia de Area Longa (Foz) e en varios puntos do traxecto Viveiro-Xove. Outro proxecto actualmente en marcha, por importe de 3,4 millóns de euros, é o contrato para reforzar taludes entre Ortigueira e Burela (55 km), entre as provincias da Coruña e Lugo.
As actuacións, enmarcadas no plan de renovación e mantemento da rede convencional, contribúen á consecución do Obxectivo de Desenvolvemento Sustentable (ODS) 9, que promove infraestruturas fiables, sustentables e de calidade.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
