BARREIROS.- O Voceiro do BNG en Barreiros, Antonio Veiga, di que o no seu grupo estmos “dispostos a colaborar tanto cos promotores coma coa alcaldía e cos veciños en xeral para poder sacar adiante o Plan Xeral”.
Os nacionalistas priorizan “garantir por encima de todo eses servizos necesarios para que despois se poidan construír edificios”. Antonio Veiga asegura que “un ano despois da constitución do novo goberno municipal” o concello de Barreiros “seguen a rexerse polos vellos patróns de goberno”.
Nota de Prensa
O BNG OFRÉCELLE COLABORACIÓN AO ALCALDE DE BARREIROS PARA SACAR ADIANTE O PLAN XERAL DE ORDENACIÓN MUNICIPAL.
Barreiros, 9 de xullo de 2008. O voceiro do BNG en Barreiros, Antonio Veiga, asegura que <estamos dispostos a colaborar tanto cos promotores coma coa alcaldía e cos veciños en xeral para poder sacar adiante o PXOM. Un plan que hai que dialogar para garantir por encima de todo eses servizos necesarios para que despois se poidan construir edificios. Nós seguimos dicindo o mesmo que hai un ano ou hai dous anos ou máis: primeiro servizos e despois edificios. Si outros cambiaron de parecer eso sí que non é culpa nosa>.
O nacionalista considera que un ano despois da constitución do novo goberno municipal <desde o BNG entendemos que esto é máis do mesmo e en Barreiros seguen a rexirse polos vellos patróns de goberno con lentitude e escasa xestión nos temas de máis interés para os veciños>.
Antonio Veiga di que <si falamos de urbanismo e facemos memoria do ocorrido hai un ano pois parecía que, os que antes pedíamos racionalidade, que había que garantir os servizos antes que os edificios, que había que dialogar e que había que facer un plan xeral, estábamos tolos ou eso era que se insinuaba desde o PP. O voceiro do BNG engade que <agora un ano despois curiosamente a petición dos promotores de Barreiros celébrase unha xuntanza cos voceiros dos grupos políticos e o alcalde e é curioso que os mesmos argumentos que antes daba o BNG agora os usa a asociación de promotores e os usa o propio alcalde. Entón ¿quén variou de postura aquí? Desde logo que o BNG non. Alegrámonos de que coincidan os promotores e o PP co que nós defendíamos hai un ano, incluso tendo en conta o custe electoral que podía ter>.
Convenio da auga
Veiga Outeiro lembra que <hai un ano que tiña que empezar a executarse o convenio da auga, e non é culpa do BNG que só 5 promotores a estas alturas teñan depositado os cartos. Eles saberán o que asinaron e cando o asinaron e o alcalde saberá que é o que se asinou tamén e a quen llo ten que esixir. Desde logo que non llo ten que esixir nin aos veciños nin ao BNG, senón que llo terá que demandar a quen asinou o convenio con él. Convenio que no seu día apoiou o BNG>. O voceiro nacionalista en Barreiros esixe <que se cumpla. Eso sí, tamén sabendo da situación actual nesa reunión aceptamos xunto aos outros grupos políticos unha moratoria ata o mes de outubro, e agardamos que cando chegue outubro todos os promotores que firmaron o convenio da auga teñan depositado os cartos para levar adiante ese servizo tan necesario para o noso Concello>.
Arquitectos
Ao nacionalista Antonio Veiga chámalle a atención que <nun ano no que a actividade urbanística é bastante baixa, no Concello teñamos dous arquitectos contratados. Non se sacou a concurso, eso sí, ningunha das prazas. Son dous arquitectos contratados a dedo. Polo tanto a transparencia e a xestión que tanto prometía o PP antes das eleccións en materia urbanística vemos que cae nos mesmos erros nos que caeu en anos anteriores>.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
