Ribadeo, 27 de agosto, 2026. Ribadeo convértese estes días nun punto de encontro para a innovación e a formación no sector da automoción coa celebración do XV Fórum de Innovación e Formación de Vehículos, unha iniciativa impulsada por APAGA que reúne profesionais, docentes, empresas e especialistas vinculados á Formación Profesional e ao mundo do automóbil.
O Fórum, que se desenvolve os días 26, 27 e 28 de agosto, ten como obxectivo achegar ao profesorado e ao sector as últimas novidades tecnolóxicas e metodolóxicas relacionadas coa automoción, favorecendo unha FP cada vez máis conectada coas necesidades reais das empresas.
Ao longo das xornadas abórdanse ámbitos clave da evolución do sector, con especial atención á innovación tecnolóxica, a diagnosis, a electrificación do vehículo, as novas ferramentas de traballo e a actualización das competencias profesionais necesarias para afrontar os cambios que está a experimentar a automoción.
O encontro busca tamén reforzar a colaboración entre centros de FP, profesorado, empresas e profesionais, creando un espazo de intercambio de coñecemento que permita trasladar as innovacións directamente ás aulas e talleres.
A organización destaca que “La Formación Profesional tiene que avanzar al mismo ritmo que lo hace el automóvil. No podemos formar a los profesionales del futuro con las tecnologías del pasado; necesitamos una formación permanentemente actualizada, práctica y conectada con las empresas”.
Un dos valores fundamentais do Fórum é o seu carácter práctico, permitindo ao profesorado coñecer de primeira man novas tecnoloxías, equipos, procedementos e solucións que logo poden incorporarse aos procesos de ensino-aprendizaxe dos ciclos formativos de automoción. Isto contribúe a mellorar a preparación dos futuros profesionais e a súa empregabilidade, ao tempo que facilita ás empresas contar con persoal cualificado e adaptado á evolución tecnolóxica do sector.
A celebración da decimoquinta edición consolida unha iniciativa que fixo da formación e da innovación as súas principais señas de identidade. Para APAGA, a continuidade do Fórum evidencia a importancia de manter espazos nos que o profesorado poida actualizar coñecementos, compartir experiencias e establecer novas colaboracións.
Con este XV Fórum, Ribadeo volve situarse como escenario de referencia para o intercambio de coñecemento e a innovación aplicada á Formación Profesional e ao sector da automoción.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
