Xove, 27 de agosto, 2026. As festas patronais de Xove comezaron este xoves cunha actividade especialmente pensada para os máis pequenos. Ás 12:00 horas tivo lugar a actuación de Caxoto, que presentou o espectáculo Moito que limpar (contos de igualdade), unha proposta que achega á infancia, dun xeito divertido e próximo, historias e reflexións arredor da igualdade.
Ante a previsión de chuvia, a actividade —incluída no Programa Ler Conta Moito— trasladouse da praza anexa á biblioteca ao salón de actos do Centro Cívico, onde se desenvolveu con total normalidade.
Foron moitos os nenos e nenas, acompañados por familiares, que se achegaron para desfrutar dos contos de Caxoto. A actuación permitiu vivir un momento de diversión e, ao mesmo tempo, achegarse a valores como a igualdade e a convivencia.
Deste xeito, as festas patronais de Xove arrancan cunha proposta familiar que pon a infancia no centro da programación e que dá inicio a varios días de celebracións na honra de San Bartolo e da Virxe do Carme.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
