Os populares teñen advertido da falta de efectivos e condenado a decisión da alcaldesa de optar por un procedemento con medios propios do Concello para cubrir as prazas vacantes no municipio tendo a opción de realizar o proceso a custo cero a través da Xunta”
Vilalba, 27 de agosto de 2026. O PP lamenta que “pola falta de previsión da alcaldesa de Vilalba, o Concello teña que recorrer a efectivos da Policía Local dos Concellos de Burela e As Pontes durante as patronais”.
Ante a falta de efectivos no municipio, os populares teñen advertido que “o Concello de Vilalba tardará en cubrir as prazas vacantes da Policía Local” debido á decisión da alcaldesa de sacar a concurso novas prazas para o servizo de Policía Local con medios propios do Concello gastando os recursos dos vilalbeses nun procedemento máis lento en lugar de “recorrer, coma o resto dos Concellos, a Axencia Galega de Seguridade Pública (AGASP) dependente da Xunta a custe cero para Vilalba e cun procedemento máis rápido”.
Os concelleiros do Partido Popular advirten que “outra das consecuencias, despois da perda da quenda nocturna e da ausencia de servizo durante varias quendas polo día, é que durante estas festas de San Ramón e Santa María o Concello terá que pagar as horas extras dos efectivos que teñen que vir doutros Concellos”. É dicir, “o capricho da alcaldesa de realizar directamente cos medios do Concello o procedemento de selección de efectivos para a Policía Local sae moi caro aos vilalbeses”.
Os populares teñen advertido da necesidade de reforzar o cadro de persoal da Policía Local e lamentan “a falta de previsión en tempo e forma” do goberno local de PSOE e Vilalba Aberta. De feito, consideran que “non se debería ter chegado a esta situación obrigando a outros Concellos a prestar efectivos e aumentando o gasto en horas extras”.
Así mesmo, aseguran que “non entendemos que Marta Rouco prefira gastar recursos públicos e deixar pasar un ano cando existía a posibilidade de realizar o proceso a custo cero a través da Xunta de Galicia”.
Dende o PP de Vilalba inciden en que se trata “dun servizo municipal esencial” en materia de seguridade cidadá e apuntan que “o Concello debe garantir o servizo de Policía Local”, conclúen.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
