Marisol Díaz lembra que a Consellería de Medio Ambiente e Cambio Climático leva anos colaborando coa FAPXG para a posta en marcha diferentes accións, como a organización de visitas guiadas con intérpretes de lingua de signos
Ribadeo, 18 de setembro de 2026. A directora xeral de Patrimonio Natural, Marisol Díaz, puxo hoxe en valor a aposta que leva anos facendo o Goberno galego por promover o coñecemento, a participación e o acceso das persoas xordas e xordo-cegas aos espazos naturais da Comunidade e ás actividades de divulgación sobre a riqueza ambiental da Comunidade.
Durante unha visita que realizou hoxe ao Monumento Natural Praia das Catedrais, xunto con membros da Federación de Asociacións de Persoas Xordas de Galicia (FAPXG), Marisol Díaz lembrou que o obxectivo da Consellería de Medio Ambiente e Cambio Climático é facilitar a participación das persoas xordas e que poidan gozar plenamente da experiencia de coñecer os principais espazos naturais protexidos de Galicia.
De feito, esta Consellería leva seis anos colaborando coa FAPXG a través da sinatura de sucesivos convenios a través dos que se puxeron en marcha diferentes tipos de accións, como a organización de visitas guiadas con intérpretes de lingua de signos como a realizada hoxe na Praia das Catedrais.
Nese senso, a Federación encárgase de ofrecer un servizo especializado neste tipo de accións, garantindo unha comunicación real e efectiva entre persoas xordas, xordo-cegas e persoas oíntes a través da posta á disposición de intérpretes de lingua de signos e de guías-intérpretes para apoiar ao colectivo en diversas accións de comunicación, sensibilización e divulgación do medio ambiente.
Ademais, a FAPXG tamén fai códigos QR adaptados á linguaxe de signos para a súa colocación nos espazos naturais de Galicia, a adaptación de distintos contidos informativos sobre o patrimonio natural galego e organiza cursos en lingua de signos dirixidos ao persoal dos parques naturais e doutros espazos protexidos, que teñen grande éxito de participación. A maiores, este ano o convenio inclúe a organización de accións de voluntariado ambiental inclusivo.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
