Vilalba, 5 de outubro de 2026. As obras de renovación da rede de saneamento da rúa Plácido Peña arrancan esta semana cun investimento global próximo aos 850.000 euros, no marco do convenio entre o Concello de Vilalba e a Confederación Hidrográfica Miño-Sil. O proxecto inclúe a redacción técnica, a dirección de obra e a execución das actuacións.
🔧 Obxectivo da intervención
A actuación busca renovar a rede de colectores de augas fecais e poñer fin ás filtracións de augas residuais que, desde hai anos, afectan a garaxes e inmobles da zona.
O proxecto contempla:
– Supresión de exfiltracións e infiltracións.
– Mellora da estanqueidade da rede.
– Regularización da xeometría en puntos con diámetros inferiores a 400 mm.
– Homoxeneización de materiais para garantir durabilidade e operatividade.
Ademais, prevese minimizar as afeccións aos servizos existentes e á mobilidade durante a execución dos traballos.
🗣️ Declaracións da alcaldesa
A alcaldesa de Vilalba, Marta Rouco, subliñou que se trata dunha obra “moi necesaria”, xa que responde a un problema que os veciños levan anos padecendo:
“O máis importante é que esta actuación permitirá solucionar as filtracións de augas residuais que están afectando a garaxes e inmobles e mellorar de maneira importante o funcionamento da rede de saneamento.”
Rouco destacou tamén que esta intervención forma parte do compromiso do goberno local coa mellora integral do ciclo da auga:
“Son obras que moitas veces non son as máis visibles, pero que son fundamentais para garantir servizos públicos de calidade e solucionar problemas que afectan directamente aos veciños.”
🚰 Cortes puntuais no subministro de auga
Durante esta semana haberá cortes puntuais no subministro para permitir o avance das obras:
– Xoves 8 e venres 9 de outubro. Números 2 ao 8 da rúa Plácido Peña. Horario: 11:00 a 16:00 h
Nas próximas semanas poderán producirse novos cortes, que se comunicarán con antelación. O Concello pide desculpas polas molestias e lembra que son necesarias para garantir unha execución correcta dos traballos.
🔜 Novas melloras previstas na rúa
O Concello de Vilalba xa traballa nun novo proxecto complementario que permitirá acometer melloras visibles na rúa Plácido Peña, dando continuidade á transformación desta zona da vila.
“Esta renovación da rede de saneamento é un primeiro paso. A nosa intención é seguir avanzando na mellora de Plácido Peña e da súa contorna”, concluíu a alcaldesa.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
