Foto da web Concellodapontenova.org
Nota de prensa
FERNANDO SUÁREZ CONSIDERA MOI IMPORTANTE E ATRACTIVA PARA O TURISMO A RECUPERACIÓN DA ANTIGA RUTA DO TREN MINEIRO ENTRE A PONTENOVA E RIBADEO. O ALCALDE CRITICA QUE, A PESARES DA PRESENTACIÓN REALIZADA HOXE, O PROXECTO NON CONTE CON CONSIGNACIÓN PRESUPOSTARIA.
Ribadeo, 25 de xaneiro de 2011. O alcalde, Fernando Suárez, considera moi importante e atractiva para o turismo a recuperación da antiga ruta do tren mineiro entre A Pontenova e Ribadeo, pero critica que, a pesares da presentación realizada hoxe, o proxecto aínda non conte cun só céntimo de consignación orzamentaria.
O rexedor sinalou que “se trata dunha ruta moi importante, algo ao que xa nos temos referido moitas veces, a esta posibilidade tan grande de poder unir Ribadeo con A Pontenova novamente a través dunha vía verde. Cando sexa, porque agora non vai ser, será das máis importantes de todo o Estado, a capacidade de xente, de turistas de Ribadeo, de A Pontenova ou de Trabada, pero de Ribadeo como lugar de ocio…a xente váille sacar moito partido a esta posibilidade de ir andando ou en bicicleta durante máis de 30 kilómetros sen atoparse cun só coche, terá un mérito moi importante”.
Suárez Barcia manifestou que “despois desta alegría e con este apoio que desde hai anos desde o Concello de Ribadeo estamos a traballar con Costas codo con codo para poder sacar este proxecto adiante, e ao que se foron unindo concellos como Trabada, San Tirso ou A Pontenova, todo isto é algo para estar contentos”. O alcalde de Ribadeo amosou “a miña estraneza e a miña perplexidade, porque facer un anuncio dun proxecto tan importante coma éste, pero non dicir que hai nada consignado para realizalo chama un pouco a atención, quizáis polo momento en que se fai, por ser prácticamente febreiro e por estar a catro días dunhas eleccións municipais”.
Fernando Suárez engadiu que “digo isto sen ningún tipo de despeito, simplemente atendendo a que o propio Ministerio de Medio Ambiente ten sen licitar a ruta das cetáreas, cando xa no 2010 tiñan unha consignación a través dunha enmenda do BNG de 400.000 euros nos presupostos do Estado deste ano. Pasou o ano, pasou o día e pasou a romería, a obra non se licitou e agora están a presentar outra obra que nin siquera ten un céntimo de consignación orzamentaria. Agardo que iso sexa realidade, si todo vai ben, algún día máis cedo que tarde, pero tal e como están as cousas creo que esta presentación enmárcase máis dentro dunha cuestión preelectoral e propagandista que noutro tipo de medida real de cara a que dentro de pouco os nosos turistas e os nosos veciños poidan disfrutar desta ruta”.
Ao acto de presentación da recuperación da antiga ruta do tren mineiro que tivo lugar en A Pontenova asistiron, entre outros, o director general de Sostenibilidad de la Costa y el Mar, Pedro Antonio Ríos, acompañado polo presidente da Deputación de Lugo, José Ramón Gómez Besteiro e o subdelegado do Goberno, José Vázquez Portomeñe. Tamén acudiu o alcalde de Ribadeo, Fernando Suárez. O proxecto suporá un investimento de 5 millóns de euros
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
