Nota de prensa
ADEGA: DÍA MUNDIAL DA EDUCACIÓN AMBIENTAL
26 de xaneiro, DÍA MUNDIAL DA EDUCACIÓN AMBIENTAL. Os máis de 35 anos de actividade de ADEGA foron parellos aos da historia da Educación Ambiental (EA). Dende o ano 2000 esta liña de actuación tense consolidado e arestora é unha das áreas prioritarias para ADEGA, con numerosos programas en diversos eidos e unha equipa de traballo adicada a deseñalos e realizalos. Porén, e como sinala a SGEA, hoxe a Educación Ambiental en Galiza está a vivir un alarmante retroceso: Brutal recorte de actividades e recursos; peche e infrautilización de equipamentos públicos; perda de peso da EA no sistema educativo; despedimentos na administración pública e desaparición de empresas; desbaldimento de recursos e falta de coordenación entre administracións… Por iso, no Día Mundial da Educación Ambiental ADEGA propón afortalar, fronte á inacción da Xunta, o papel dos colectivos sociais na difusión da EA.
A Educación Ambiental dende o ecoloxismo é unha realidade no amplo campo que ofrece esta disciplina de acción socio-educativa. No Libro Blanco de la Educación Ambiental en España (MMA:1999) recoñécese o papel que desempeña este movemento social cando se afirma que “…hai que destacar o papel das asociacións conservacionistas e ecoloxistas na xeración de conciencia e de corresponsabilidade da poboación na mellora ambiental…”.
Por outra banda a actualmente esquecida Estratexia Galega de Educación Ambiental (EGEA) vai máis aló ao atribuírlle ao ecoloxismo unha estratéxica función dentro desta disciplina como xerador de alternativas, “…un labor importante na sensibilización do público, na denuncia diante do conxunto da poboación das problemáticas locais, rexionais e globais máis evidentes e na presentación de posibles alternativas para a súa solución” (Xunta de Galiza,1999). ADEGA recolleu este desafío e decidiu promover programas e proxectos para artellar alternativas a diferentes problemáticas ambientais. A viabilidade e o éxito das campañas e programas que nos últimos anos ven desenvolvendo o ecoloxismo en temáticas como os residuos, a auga, etc, demóstrase cando estas son posteriormente asumidas e promocionadas polas administracións autonómicas e locais e mesmo polas empresas.
Porén, ADEGA entende que a EA non debe ser un fin en si mesma. O actual exceso de información e publicidade sobre temas ambientais está a conducir á trivialización da problemática ambiental e ao uso das actividades de EA como un medio para o lavado de imaxe de entidades privadas e públicas. Neste contexto, a actuación dos colectivos ecoloxistas continúa sendo esencial, sexa tanto para chegar á verdadeira raíz dos problemas como para evitar que a EA se converta nunha fin en si mesma. Manter e impulsar unha visión crítica, innovadora e participativa na EA segue a ser un dos principais obxectivos do ecoloxismo, e a alternativa fronte ao desleixo da Xunta..
As intervencións educativas deben ter como obxectivo mudar unha sociedade con serios problemas ambientais mediante a concienciación, a sensibilización e a participación cidadá. Por esta razón, só se aproveitará todo o potencial transformador da EA cando esta vaia ligada a proxectos de xestión ambiental sustentábel e de transformación do modelo de desenvolvemento económico e social.
Desde esta perspectiva, este mércores 26 será pois unha xornada de traballo normal para as educadoras e os educadores ambientais de ADEGA, porque entendemos que esa é a mellor maneira de celebrar o Día Mundial da Educación Ambiental. Nesta xornada realizaremos as seguintes actividades enmarcadas nos seus repectivos proxectos:
Programa de compostaxe doméstica:
Pola mañán realizaranse actividades no CEIP Conde de Fenosa e na EEI de Ares, dentro do proxecto de compostaxe da Mancomunidade de Concellos da Comarca de Ferrol.
Pola tarde realizarase a charla inicial do III Programa de Compostaxe caseira do concello de Carral que terá lugar na Casa da Cultura ás 19:00h
Móllate polos Humidais
Realizaremos unha saída as Lagoas de San Pedro de Muro e Xuño dentro da iniciativa “Móllate polos Humidais” cos escolares do CEIP de Portosín.
Programa de educación ambiental
Actividades sobre residuos no CEIP Monte Casado d’As Pontes.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
