Nota de prensa:
Balseiro e Villares presentaron en rolda de prensa esta iniciativa parlamentaria que permitirá a pronta execución daquel proxecto que inclúa os máis modernos modelos construtivos e garanta o máximo respecto ambiental
O GRUPO PARLAMENTARIO POPULAR INSTA Á XUNTA A ELABORAR “DE XEITO INMEDIATO” OS ESTUDOS TÉCNICOS OPORTUNOS PARA DOTAR A SAN CIPRIÁN DUN PORTO NÁUTICO-DEPORTIVO
* Os populares queren que Portos de Galicia dea un paso máis para facer realidade estas instalacións que contribuirán a completar a infraestrutura promocional e turística do concello e a xerar emprego e riqueza asociado á nova instalación portuaria
* Porase fin así a inxustiza perpetrada polo Goberno bipartito na pasada lexislatura, cando PSOE e BNG decidiron excluír a Cervo da planificación estratéxica sobre novas instalacións náutico deportivas en Galicia
Cervo, 03 de febreiro de 2010.- O voceiro do Mar do Grupo Parlamentario Popular e concelleiro local, Jose Manuel Balsiero Orol, acompañado do alcalde de Cervo, Alfonso Villares, deron a coñecer na mañá de hoxe, en rolda de prensa, unha iniciativa parlamentaria rexistrada na Cámara galega “co obxecto de dar un paso máis, un novo impulso, á creación dun porto náutico-deportivo en San Ciprián”. Os populares rexistraron unha Proposición non de lei no Parlamento na que instan á Xunta de Galicia a elaborar “de xeito inmediato” os estudos técnicos necesarios para levar a cabo a creación dun porto náutico deportivo nesta localidade marítima cervense.
Balseiro e Villares demandan a Portos de Galicia que o futuro proxecto a executar, inclúa “os máis modernos modelos construtivos e garanta o máximo respecto ambiental” á vez que sinalan que estas novas instalacións portuarias “axudarán a completar a infraestructura promocional e turística do Concello e, indirectamente, contribuirán a xerar emprego e riqueza, tanto polo aumento no número de visitantes como polo impacto positivo que este tipo de actividades náutico-recreativas sempre implican”.
O BIPARTITO EXCLUÍA E DISCRIMINABA A CERVO
Balseiro e Villares lembraron que pese ao interese amosado polo Goberno municipal ao respecto, “o anterior Goberno autonómico bipartito, na pasada lexislatura, decidiu excluír á localidade de San Ciprián do Plan Director de Instalacións Náutico Deportivas, borrandoa da planificación estratéxica de novas instalacións promovidas pola Xunta, o que na práctica supoñía impedir que como mínimo ata o 2020, este termo municipal non podería contar cun novo porto deportivo”.
NOVA XUNTA, NOVAS OPORTUNIDADES
Os populares explicaron que foi grazas ao cambio de Goberno cando se recuperou este proxecto e que polo tanto, a derrota do biparito “supuxo unha nova oportunidade para reconsiderar esta decisión tan excluinte e discriminatoria desenvolvida polos anteriores responsables socialistas e nacionalistas”. De feito “PSOE e BNG amosábanse repetidamente como un obstáculo para conquerir este novo porto” a pesar de ser plenamente conscientes de que as instalacións portuarias actuais (nin o peirao pesqueiro, nin o industrial que é unha concesión da multinacional Alcoa) “non están capacitadas para brindar a posibilidade de abrir Cervo a novos usos que puideran complementar as actividades existentes, e que lles permitan inserilos nas novas vías do turismo náutico e na orientación cara ao ocio e a pesca deportiva que si se pretendía desenvolver noutras áreas de Galicia”indicou o deputado popular.
A idea final é que San Ciprián tamén poida ser beneficiario da riqueza e do potencial que supón a posibilidade de dispoñer dunha instalación de atracada e dos programas vinculados ao desenvolvemento do turismo náutico. Balseiro e Villares lembran que o actual presidente do ente público autonómico, Portos de Galicia, e a Consellería do Mar, amosáronse receptivos a que San Ciprián si poida dispoñer dun porto deportivo, e tendo en conta este compromiso, e dentro das competencias de impulso á acción do Goberno salientan a necesidade de avanzar neste ámbito, e o fan co obxecitvo “de axilizar ao máximo o procedemento”.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
