O restaurante A Dorada do Cantábrico organiza para o 13 de febreiro, domingo, a súa cea de San Valentín. O menú está composto de catro pratos e sobremesa: ostras da ría, espárragos en salsa inglesa con caviar de ourizos, lombo de pescada con grelos e gulas, segredo de porco ibérico con redución de Pedro Ximénez e corazón de chocolate, todo acompañado dun bo cava. O prezo por parella é de 60 euros e inclúe café e licores.
ÚLTIMA HORA
- Burela acollerá un faladoiro sobre o novo proceso de regularización extraordinaria o 23 de abril
- Mariña Patrimonio achega ao público os achados da Cova de San Xoán Vello de Viveiro
- Presentación do ‘No Normal Tour’ na Mariña
- Unha trintena de sendeiristas iniciará este sábado o Camiño Francés con Camiñantes e Camiños de Barreiros
- Presentación do 'No Normal Tour' na Mariña
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: https://www.nonormal.org/ - Navia abriu este xoves o XVI Concurso de Pinchos e Tapas de Autor, que se celebra ata o domingo con 19 locais participantes e creacións a 2,50 €
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica. - O Festival da Ostra de Castropol 2026 celebrarase do 30 de abril ao 3 de maio
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba. - A subdelegada do Goberno en Lugo, Olimpia López, asistiu este mércores en Vilalba á saída da segunda etapa de O Gran Camiño 2026, que conectou a Terra Chá coa Mariña lucense
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados. - Convocatoria Asemblea Extraordinaria Burela FS
Reyco Burela FS convoca a todos os socios e socias á Asemblea Extraordinaria que se celebrará o martes 28 de abril no salón de conferencias de Burela (antiga biblioteca) nunha primeira convocatoria prevista para as 20.00 h. e segunda para as 20.30 h. O acceso será única e exclusivamente para socios e socias, que deberán asistir á xuntanza co carné de socio/a e o DNI. Orde do día: 1. Lectura e aprobación da acta anterior. 2. Situación económica xeral. 3. Procedementos xudiciais contra o club. 4. Accións adoptadas para a continuidade do club. 5. Rogos e preguntas - Este venres 17 de abril, ás 20:30 h, a Biblioteca Municipal El Viejo Pancho de Ribadeo acollerá a presentación do libro O imperialismo no século XXI, de Duarte Correa Piñeiro, publicado por Tempo Galiza Editora
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación. - Un numeroso grupo de veciños e veciñas de Ortigueira participou nunha nova viaxe do programa municipal para persoas maiores, que nesta ocasión tivo como destino A Costa da Morte
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
2021 Crónica 3 A Mariña - Implementado por GaliciaDigital