Nota de prensa:
Comezan 3 novos cursos do Pacto Provincial polo Emprego co que xa se están formando 300 desempregados da provincia
– Becerreá, Chantada e Vilalba acollen dende hoxe as accións formativas de “Atención Sociosanitaria a Domicilio” e de “Servizos de Restaurante”, dotadas con 640 e 620 horas, respectivamente
– Inclúense nas 45 previstas polo programa co que a Deputación favorece a inserción laboral de 576 parados
– Para facilitar a participación, os seleccionados reciben 400 euros mensuais, a cantidade equivalente ó 75% do IPREM
A Deputación continúa a desenvolver a formación do Pacto Provincial polo Emprego coa que favorecerá a inserción laboral de 576 desempregados da provincia nas profesións con máis futuro en Lugo, e que foron previamente diagnosticadas dentro do programa que está co-financiado nun 80% polo Fondo Social Europeo. Precisamente, este xoves deron comezo 3 novas accións formativas en Becerreá, Vilalba e Chantada, nas que están a participar 42 beneficiarios. Nos dous primeiros casos, os Alcaldes destes municipios, Manuel Martínez e Manuel Anxo Taboada, recibiron ós participantes do curso de “Atención Sociosanitaria a Domicilio”, que se desenvolve dende hoxe no Telecentro do municipio da Montaña e no edificio do Novo Concello chantadino, e que está dotado con 640 horas de formación. En Vilalba, iniciouse o de “Servizos de Restaurante” de 620 horas.
Deste xeito, xa son 287 persoas as que están a participar dende o 9 de marzo –data na que a Deputación arrincou a formación- no programa que se está a desenvolver en distintos puntos da provincia para favorecer a participación dos admitidos. Ademais de en Chantada e Becerreá, o curso de “Atención Socionataria” tamén se está a desenvolver en Foz, Ribadeo, Viveiro, A Fonsagrada e Monterroso. En Burela, Palas de Rei, Sarria e Monforte impártese este mesmo pero aplicado a institucións. O de “Servizos de Restaurante” estase a celebrar en Foz e Monforte de Lemos, mentres que Mondoñedo, Sarria e Ribas de Sil acollen o de “Promoción Turística e Información ós Visitantes”, de 730 horas, e, Guitiriz, O Valadouro e Meira, o de “Aproveitamentos Forestais”, que dispón de 640. A vindeira semana comezará o de “Operacións Básicas de Pisos e Aloxamento”, de 420 horas, en Viveiro, Rábade e Sober.
Éxito de participación
A formación está destinada a todos os desempregados da provincia, agás o do Concello de Lugo que ten máis de 5.000 habitantes e o seu propio Pacto. A formación consta de máis de 15.000 horas de formación e 60.000 de prácticas en empresas. Ten un custe 0 para os participantes e os beneficiarios reciben 400 euros mensuais tanto na formación teórica como na práctica; a cantidade equivalente ó 75% do Indicador Público de Renda de Efectos Públicos (IPREM). En total, 1.600 persoas formalizaron as solicitude no INLUDES para participar no programa, case o triple das prazas ofertadas.
En canto á distribución por zonas, dos 576 participantes, 246 pertencen á Concellos da zona centro, na que se impartirán 19 accións formativas; 192 ós municipios da Mariña nos que se desenvolven 15; e 138 ós da zona sur, que acollerán 11 cursos.
O Pacto Provincial polo Emprego, dotado con 3,4 millóns de euros, súmase a outros programa que o organismo provincial ten en marcha para frear o desemprego na provincia, e que contan cun investimento de preto de 15 millóns de euros. Ademais de co Plan Lugo Emprega, a Deputación tamén crea traballo cos 10 centros de día e residencias que construirá noutros tantos Concellos e coa convocatoria de selección dos bombeiros que comezarán a traballar nos parques construídos polo Consorcio a partir do 1 de maio.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
