Nota de prensa
O CONCELLO PON EN MARCHA A TERCEIRA TEMPADA DO PROGRAMA ‘EDUC@ANDO’
Esta iniciativa é gratuíta e consiste na celebración de obradoiros e talleres educativos para os alumnos de ensino infantil, primaria e secundaria; e tamén para as súas familias.
Cervo, 6 abril de 2011.- Tralo éxito acadado nas dúas anteriores edicións, o Concello de Cervo organiza unha vez máis a través da súa delegación de Educación e coa colaboración da Xunta de Galicia unha nova edición do proxecto “Educ@ndo”, consistente nunha serie de obradoiros e talleres para os alumnos de ensino infantil, primaria e secundaria do concello, así coma tamén para as súas familias.
Esta iniciativa, que dará comezo mañá, 7 de abril, é de carácter gratuíto e deuse a coñecer esta mañá no Concello de Cervo pola concelleira de Educación Yolanda Pedreira.
Os talleres, que se desenvolverán nas aulas dos tres centros educativos do concello fora do horario lectivo, son de moi diversas temáticas. Para os rapaces e rapazas está previsto desenvolver talleres de monicreques, inglés, mecanografía, informática, internet, interacción social e autoestima; así como técnicas de estudio. Ademais, tamén hai previsto unha serie de talleres que van dirixidos a os nenos e ás súas familias. Neste caso os obradoiros centraranse en áreas coma a prevención do absentismo escolar.
Segundo indicou a concelleira de Educación do Concello de Cervo, Yolanda Pedreira, o programa “Educ@ando” ten por obxecto “servir nalgúns casos coma reforzo do curso escolar e noutros de complemento para á súa formación e tamén a dos seus pais”. A responsable municipal agradeceu a colaboración da Xunta de Galicia para a materialización deste programa e salientou a receptividade amosada tanto polos equipos directivos dos CEIPS Cervo, Cervo nº1 e IES Marqués de Sargadelos; así como polos consellos escolares destes tres centros de ensino “os cales cederon moi gustosamente as súas instalacións para que se podan desenvolver estas actividades” sinalou.
Pedreira convidou a toda a comunidade escolar do concello e aos seus pais a participar nesta actividade. “En vista da boa resposta acadada nas anteriores edicións estamos seguros que estes talleres terán tamén unha boa acollida, xa que é unha oportunidade de combinar a diversión coa formación dos nenos e nenas do noso municipio e tamén dos seus pais e nais”.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
