Nota de prensa
O BNG de Xove presentou unha candidatura amplamente renovada e con vocación de goberno
O Bloque Nacionalista Galego presentou o pasado venres a súa candidatura para as vindeiras eleccións municipais de maio. Foi nun acto convocado no Salón de Actos do Centro Cívico que logrou congregar numeroso público.
Ademais do cabeza de lista, Marco López, tamén se dirixiron aos veciños Fernando Blanco, Antonio Veiga e Xosé López Hermida. O ex conselleiro de Industria díxolles aos xovenses que “elixir o BNG, elixir a Marco López como alcalde, é elixir a boa educación fronte ao insulto, é elixir a unha persoa con boas ideas e mellores argumentos”. Veiga acusou os populares de non teren “proxecto político ningún para Xove” e contrapuxo a “cohesión” do BNG de Xove fronte á “continua discrepancia interna” dos populares locais. O número dous da candidatura, Hermida, resaltou que “é a hora da ideoloxía: é tempo de saber onde estamos e decidir cara a onde queremos camiñar”.
O acto tivo unha posta en escena moi orixinal. Marco López foi chamando un por un aos compoñentes da candidatura e conseguiu emocionar ao numeroso público asistente ao dedicarlle a cada un dos membros da lista unha curta descripción das súas cualidades. “Son homes e mulleres comprometidos e traballadores”, dixo López, “somos xente que realmente queremos cambiar as cousas, pero sobre todo somos un equipo cohesionado, con iniciativa política e capacidade de xestión”, declarou o candidato á alcaldía.
O BNG presentou unha candidatura ilusionante, con importante presenza de xente nova e onde cinco das persoas que ocupan os once primeiros postos non foron nunca nunha lista electoral. O cabeza de lista é a primeira vez que se presenta a uns comicios nese posto e tanto o número 2, como o número 3 ou a número 4 concurren por vez primeira a unhas eleccións.
Marco López criticou que, mentres eles xa foron debullando algúns dos puntos fundamentais do seu programa electoral, o único que trascendeu á opinión pública das propostas do PP foi que “pretenden pasar de tres dedicacións exclusivas que teñen na actualidade (dúas totais e unha parcial) a cinco, para un municipio de 3.600 habitantes”. O alcaldable advertiu que “iso significa que carecen dun proxecto real para o noso concello”, declarou, “e esta é unha mostra máis da falsa austeridade que tanto pregoan os populares”.
A candidatura do BNG de Xove componse das seguintes persoas:
1. Marco López López (Tramitador xudicial)
2. Xosé Manuel López Hermida (Profesor de Ensino Secundario)
3. Carlos Fernández Louzao (Xefe de Equipo en Alcoa)
4. Mª Luísa Pernas Quelle (Oficial Habilitada de Procurador)
5. Yobana González Castro (Auxiliar de Farmacia)
6. Xosé Luís Vale Blanco (Técnico de Calidade nunha conserveira)
7. David Díaz Meitín (Mantedor Electromecánico)
8. Carme Esther Ínsua Miranda (Diplomada en Química Industrial)
9. José Antonio Alonso Salgueiro (Prexubilado)
10. Mª Sabela Luísa Prieto Mariño (Labrega)
11. Sara Rei Balseiro (Mestra Diplomada en Educación Especial)
SUPLENTES:
1. Xosé Durán Cao (Traballador de Mantemento en Alcoa)
2. Natalia Bermúdez López (Autónoma e Licenciada en Química Ambiental)
3. Manuel Novo Villasante (Analista de Laboratorio en Alcoa)
4. Adrián Rego Rodríguez (Técnico en Climatización)
5. Mª Herminia Álvarez Andrade (Ama de casa)
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
