“Os outros” virtuais campións da tempada da Conferencia Norleste da Liga Nacional de Billarda

Nota de prensa

Cantamos victoria ou agardamos a facelo en Remourelle? Isto é o que deberon pensar os componentes de “Os Outros” cando o sábado 16 en Lugo consolidáronse no primeiro posto e puxeron terra por medio con respecto aos “Billardeiros Musicais”, únicos rivais que os podían inquietar. Agora e dende a sólida distancia de sete puntos, son xa virtualmente CAMPIONS da tempada 2010/2011, nembargantes e para non ser desconsiderdos, agardamos a finalizar a tempada para os felicitar.

A 8ª xornada da Conferencia Norleste da LNB celebrouse na pista de céspede sintético da Piringalla, en Lugo. Os Madia Leva tiñan preparada unha novedosa superficie que resultou toda unha experiencia positiva. Por primeira vez as billardas facían acto de presencia na herba artificial e os palanadores adaptáronse a perfección, de feito foi a segunda xornada na que mais VARADOS se conseguiron,  fixéronse en total 12 (o récord está na xornada 6ª no pavillon de Meira con 16 varados), si ben so contabilizan 11 xa que o derradeiro  non puntúa como tal, pero serviulle a Guille para desfacer o empate na final con Eric e proclamarse campión do Aberto.

Para xogar a final chegaron: Guille (primeiro de grupo, deixou fora a Luis  e a Hugo), o seu compañeiro de equipo Eric (segundo no seu grupo, eliminou a Daniel e a Markytos/Xan Rodiño) e con un Marcos dos Remourelle Bulls que non tiña moi clara a clasificación individual para Conxo pero cos puntos de hoxe consigue meterse na pomada (primeiro de grupo, chimpou fora a Regueiro e a Elena).

Comenzou dominando Eric, pero Guille soupo remontar na segunda carreira donde Marcos quedou rezagado. Chegouse a terceira carreira ca posibilidade de un triple empate, pero non, Marcos non puntuou e rematou a carreira  con empate a 4 entre os dous mellores da tarde. Unha única carreira de desempate serviu para que Guille contestara a un bo primeiro golpe de Eric con un varado que o levou o triunfo final.

Parabéns a Madia Leva pola organización e polo acerto na elección da pista de xogo. Tamén mención especial para M de Meira pola implicación na búsqueda e fabricación de novo material deportivo, palans e billardas de deseño, magoa que desta volta non lles serviu de moito e quedaron as portas das eliminatorias directas.

A boa afluencia de xiareiros e un xogo dinámico neste ata agora descoñecido terreo xuntáronse para nos regalar una excelente tarde billardeira que todos agardamos repetir en breve.

Si “Os Outros” son virtuais campións por equipos, o título de campión individual e de varados están no aire. Guille ca victoria de hoxe acada o primeiro posto na clasificación con dous puntos sobre Xan Rodiño e cinco sobre Daniel. Estos tres son os únicos que poden optar o liderato. En canto a varados sigue comandando Daniel con 10, pero tanto Guille que leva 8, como Eric, Markytos ou Xan Rodiño con 7, poden dar a campanada en Remourelle e birlarlle o posto. Os cinco están xa clasificados para as finais de Conxo posto que os seguintes están con 4 e 3 varados e resulta ilóxico pensar que poideran remontar.

Agardamos pois a Remourelle donde como cada ano faremos a comida de fin de tempada, disputaremos a 9º e derradeira xornada e finalmente faremos a entrega de premios aos gañadores.