Nota de prensa
Besteiro clausura a terceira tempada de Km0
– O Presidente recibiu este xoves en San Marcos ós dous últimos grupos desta fase, 48 membros da Asociación As Calzadas do Buriz de Guitiriz e outros 48 alumnos do IES de Monterroso, que percorreron Cervantes e Lugo cidade, respectivamente
– Gómez Besteiro reiterou que este exitoso programa de rutas ideado polo seu goberno terá continuidade con novos fondos europeos
O Presidente da Deputación de Lugo, José Ramón Gómez Besteiro, acompañado da Deputada de Economía e alcaldesa de Guitiriz, Regina Polín, clausurou este xoves a terceira fase do programa medioambiental Km0, reiterando que esta exitosa iniciativa posta en marcha polo seu goberno co fin de que a provincia deixe de ser unha gran descoñecida para os propios lucenses e xerar riqueza e emprego terá continuidade con novos fondos europeos, que o organismo provincial xa ten solicitado.
Gómez Besteiro e Polín recibiron ós dous últimos grupos da tempada no salón de actos do Pazo de San Marcos: 48 integrantes da Asociación As Calzadas do Buriz, do Concello de Guitiriz, e outros 48 alumnos do IES de Monterroso. Os guitiricenses visitaron despois da recepción na sede da Deputación o Centro de Artesanía e Deseño (CENTRAD), comeron no hostal “Piornedo” para coñecer despois a palloza e facer un percorrido por este pobo de Cervantes. Finalmente achegáronse á igrexa de Donís. Pola súa banda, os estudantes de Monterroso desprazáronse á parroquia lucense de Santa Eulalia de Bóveda, deron un paseo polo río Rato e pola Muralla, visitaron o Centro de Interpretación, a Catedral e As Termas. A comida tivo lugar no restaurante “Os Robles”.
Na actualidade hai 5.000 persoas duns 400 colectivos en lista de espera para participar en Km0, en moitos casos anotadas en actividades de pago, polo que a nova fase que proxecta a Deputación, que arrancará no próximo mes de xuño, dará resposta a esa gran demanda, que demostra o éxito e repercusión social do programa de rutas. Ó longo destes últimos tres anos participaron na iniciativa máis de 27.000 persoas.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
