Superada unha xornada electoral histórica polo alto grado de participación –votaron máis mariñáns que nunca-, cómpre agora facer o habitual balance dos resultados acadados, que nos ofrecen un mapa político e municipal distinto na nosa comarca: unha Mariña lucense cada vez máis popular.
O éxito colleitado é un claro indicio de que a renovación iniciada polo PP, en 2009, está a ser aplaudida polos galegos masivamente, xa nas primeiras eleccións que se afrontan con Feijóo á cabeza, os populares mariñáns creceron en preto de 2.000 votos.
En 14 dos 16 concellos da nosa comarca –incluíndo Riotorto- foi o Partido Popular a forza política máis votada e, na práctica totalidade deles, con posibilidades certas de asumir a responsabilidade de goberno. Os populares teñen, polo tanto, máis votos e máis alcaldes, pero tamén máis concelleiros na Mariña ao incrementarse a cifra en 92 edís, seis máis que no 2007.
Do que non cabe dúbida é de que o Partido Popular gañou as eleccións municipais na Mariña lucense, ampliando a súa hexemonía. Pola contra os socialistas sofren un serio correctivo ao perder máis de 4.000 votos, nada máis e nada menos que un 24% dos sufraxios. Son os candidatos do PSOE os grandes perdedores, tras unha noite electoral na que o PP sube un 10% e o BNG –aínda que castigado en Foz, Barreiros e Cervo, os enclaves nos que se enfrontaban ás furnas os membros da súa cúpula comarcal- crece un feble 4%.
A xornada electoral deixa claro tamén outro dato, que A Mariña lucense, como o resto de Galicia rexeita os bipartitos. A maioría absoluta acadada polo PP de Burela da conta de que a desunión non é o camiño escollido polos cidadáns para xestionar a actual crise e apostan pola estabilidade, por alcaldes con amplo respaldo cidadán.
Hoxe máis que nunca é importante facer unha reflexión respecto da necesidade de deixar gobernar á lista máis votada. Esta sería o mellor xeito de respectar a vontade cidadá expresada en Foz, Viveiro, Riotorto e Mondoñedo. De xeito especial nestas dúas últimas localidades nas que, o respaldo é tan amplo que, a maioría absoluta non se obtivo por un puñado de votos.
Tras as municipais está claro que o PPdeG segue a ser o partido que máis se parece a Galicia, o que consegue o apoio maioritario dos galegos elección tras elección. A nosa comarca segue a apostar por gobernos populares fortes, por unha política de rigor e discriminación positiva cara a Mariña. Rexeitando formas de facer que nos levan á crise e ao liortas perpetuas. A Mariña é máis popular pola vontade maioritaria dos seus veciños, que agora nos emprazan a seguir traballando para que nas vindeiras xerais o cambio tamén sexa posible no conxunto de España.
Jose Manuel Balseiro Orol
Secretario do Parlamento de Galicia
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
