Os indignados do Prado de Ramos.
Tal como ocorre no panorama actual, unha parte da sociedade, os que podemos denominar NINJAS (no incomes, no jobs, no assets que traducido serían os que non teñen ingresos, nin traballo nin propiedades) estanse a manifestar por un cambio no réxime político que nos goberna hoxe en día, é o chamado Movemento 15M.
Paralelo a este Movemento 15M xurde un novo no pobo de Foz. Aconteceu no primeiro fin de semana da época estival, na vila turística de Foz, que é turística non so pola xente da “high-class”, tamén chamados a “Jet-Set” en Porto Banús.
Pois neste caloroso fin de semana a xente que ano tras ano se asenta no prado do paseo da praia da Rapadoira, moitos deles da terceira idade, foron privados dos seus hábitos do verán, é dicir, almorzar no prado e logo sestear un anaco. Foron afastados e incluso multados por face-lo que todos os anos fan, e que sen darnos conta pode que sexa a única maneira de veranear que saiban. Sen previo aviso, soamente cun carteliño que o tomaron a broma, como se non estivésemos no verán senón a 28 de Decembro.
Esta é a primeira medida do novo goberno popular en Foz dirixido polo Sr. Javier Jorge Castiñeira, unha medida acertada para algúns e coa que discrepan outros tantos. Quizais sexa un guiño a esa proposta que anunciou a bombo e platillo, o proxecto da Reorganización da zoa portuaria, que entre outras instalacións, cóntase cun porto deportivo con 500 amarres, dragado duns 300.000 metros cúbicos de area da ría, parking para 300 vehículos, casa da Música, Centro de Ocio con 3 cines…en fin, un Porto Banús.
Agora pódese ir entendendo o porque do desaloxo, anque se o proxecto vai para 40 anos como din, quizais os desaloxados deberían ser os netos desa xente.
M. M. Fernández.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
