NOTA DE PRENSA
PRESENTACIÓN DO SEGUNDO VOLUME DA REVISTA BOLANDA.
O próximo venres, día 8, a Asociación Cultural A Pomba do Arco, presentará o segundo volume da revista Bolanda. O acto terá lugar na Casa da Cultura do Concello de Foz ás 8:30 da tarde.
Este segundo volume da revista Bolanda componse dun poema de Xavier Baixeras, cinco poemas de Caxigueiro e sete artigos que abarcan un amplo campo temático.
Antón Niñe Fernández aborda o tema da escola pública en Foz no seu artigo A escola de Fondós, no que se afonda na historia desta institución educativa.
Xoán Ramón Fernández Pacios presenta un artigo titulado O vínculo familiar da Casa Grande de Marzán, no que se fala desta familia dende 1531 ata 1825.
Xavier Ribera Ponte fala no seu artigo A caza da balea en Nois da importancia que tivo esta actividade económica na parroquia de Nois dende o século XVII.
Dedícanse dous artigos á antiga catedral e actual basílica, o de Francisco Carballo Carballo, San Martiño de Mondoñedo, sé episcopal, séculos VIII-XI e o de Celso Rodríguez Cao e Luís Cordeiro Maañón titulado As sondaxes en San Martiño de Mondoñedo.
Ramón Ermida Meilán e Mónica Pazos Martínez no seu artigo Vida e obra de Manuel Lugilde Penelas, completan o artigo que publicaran no primeiro volume de Bolanda, afondando na vida e na obra deste mestre e no mundo do teatro no concello de Foz nos anos 30 e 40.
Remata este volume o artigo de Ramón Eiras Fernández titulado Historia do baloncesto focense, que como o seu nome indica é un relato da evolución do equipo de Baloncesto focense Os Celtas e a súa versión feminina Celtas-Xebres.
Este segundo volume terá un prezo de venda nas librerías de 18 €, pero toda aquela persoa que asista á presentación e queira mercalo nela pode facelo por un prezo reducido de 12 €, aforrando así un total de 6 €. Os socios desta asociación que o merquen poderán facelo polo prezo de 6 €.
O día da presentación deste segundo volume, no que falarán os autores do artigos, tamén se poñerán á venda os derradeiros exemplares de Bolanda volume I, momento propicio para poder completa-la colección.
Invitamos a tódolos focenses e a tódalas persoas que lles guste a historia a que asistan a esta presentación na que poderán coñecer, da man dos seus autores, de que vai este segundo volume de Bolanda e un pouco máis da historia deste noso concello de Foz.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
