Nota de prensa
O TORNEO EON ESTRÉASE HOXE CON 11 CLUBS E 29 EQUIPOS
O Torneo EON de Fútbol Sala Base A Mariña 2011 estréase esta tarde coa presenza de 11 clubs e 29 equipos nas categorías benxamín, alevín, infantil e cadete. Xunto ao CD Burela FS como anfitrión participarán os históricos UD Las Rozas Boadilla e Caja Segovia FS, Vigo 2015, Troula FS de Betanzos, Os Meigallos FS de Sarria, A Mariña FS de Viveiro, AD Santiago de Foz, Cidade de Viveiro, Concello de Xove e a Selección da Mariña.
Ás 17.00 horas dará comezo a competición de forma simultánea, con sistema de dúas fases, nos pavillóns locais Vista Alegre e Monte Castelo, en Marzán-Foz e A Veiga-San Cibrao.
A primeira eliminatoria disputarase entre hoxe e mañá. Compoñerán a categoría benxamín A Mariña FS viveirense, Troula FS, Selección da Mariña, Concello de Xove, Vigo 2015 e os tres conxuntos da ED EON Burela FS, con sede no Monte Castelo e Vista Alegre. En alevíns, tamén na vila burelá, competirán AD Santiago de Foz, Cidade de Viveiro, UD Las Rozas Boadilla, o combinado comarcal, Troula FS, Caja Segovia e ED EON Burela FS A e B. A selección mariñá, os conxuntos segoviano e madrileño, o cadro vigués e os dous burelistas formarán a categoría infantil, con pista de xogo en Marzán. Finalmente, a competición cadete, en San Cibrao, estará integrada por UD Las Rozas Boadilla, Caja Segovia, o combinado da bisbarra, Vigo 2015, Troula FS e o conxunto anfitrión, coa incorporación dos Meigallos FS, de Sarria.
Vista Alegre acollerá a fase final o domingo, cos dous primeiros clasifiados, pechará a cita ás 21.00 horas, coa entrega de trofeos para o campión, subcampión e terceiro clasificado, máximo goleador, mellor xogador e equipo máis deportivo en cada categoría.
Durante todo o torneo, a organización tamén lles ofrecerá aos rapaces unha programación lúdico-deportiva complementaria, con xogos multimedia, inchables, xogos populares e visitas guiadas ao barco-museo Reina del Carmen, ademais de ter a posibilidade de usar as instalacións do complexo deportivo da Marosa.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
