O PSOE explica a situación presupostaria do Concello de Burela e recorda a de xuño do 2007

Nota de prensa

O de apagar luces públicas para aforrar pode estar ben, pero seria máis convincente, e demostraría mellor intención, si o Sr. Alcalde se reduce o soldo (47000 euros anuais). A todas luces, moi desproporcionado para os tempos que corren.

Nota de prensa do grupo municipal do PSdeG PSOE de Burela

Cando se elaboran os presupostos, todo depende, e todo está en función, da partida de ingresos. Éstos poden proceder basicamente de: impostos directos, impostos indirectos, taxas e outros ingresos, transferencias correntes ( da Xunta e do Estado) e ingresos patrimoniais.

Unha vez valorado a proposta de ingresos aplícanse o capítulo de gastos que basicamente comprenden a: gastos de persoal, gastos en bens correntes e servizos, gastos financeiros, transferencias e investimentos.

Para o ano 2011 o presuposto do Concello de Burela concretouse en 6.3 millóns de euros, e fíxose aplicando a responsabilidade como método. A actual situación económica reduce drasticamente os ingresos ós concellos, sobre todo os que se aportaban por licencias de todo tipo, as máis importantes as licencias de construción.

Ós gastos hai que darlles preferencia. O máis importante é garantir os soldos do persoal e gastos en servizos. As partidas destinadas a gastos das diferentes áreas ou concellerías dependen do resultante de ter garantido o comentado anteriormente. E dentro destas dáselle máis importancia as áreas que inclúen políticas sociais.

Nos últimos catro anos obtivemos resultados satisfactorios no balance final mantendo un remanente de tesorería sempre positivo. A nosa intención foi a de non comprometer nunca o futuro do noso concello e aplicamos sempre o principio da contención económica. Neste sentido fixéronse moitas actuacións para acadar aforro enerxético destacando as instalacións de paneis fotovoltaicos (térmicos e solares) nas diferentes centros deportivos, o cambio de iluminación pública e semafórica á tecnoloxía led, e rentabilizando ó máximo os gastos correntes.

O pago a provedores e empresas de servizos fíxose coa eficacia e prontitude máxima dentro das nosas posibilidades, é dicir, cando dispoñiamos de solvencia en efectivo, que normalmente coincidía nas etapas de recadación por IBI, vados e vehículos, e, sobre todo, cando a Xunta reintegraba as subvencións pendentes de cobro para persoal ou de obras rematadas no que o Concello tiña que adiantar ben o soldo, ou ben o pago da súa execución para proceder á súa xustificación e cobrar a porcentaxe da subvención concedida, que no mes de xuño rondaba o millón de euros pendentes. Temos que dicir que o concello de Burela ten pagado todas as débedas a provedores correspondentes o ano 2010 e parte do 2011 ( cuestión pouco común na maioría de concellos) e que se poden adiantar moitos pagos de servizos ca recadación do IBI deste ano. Polo tanto, a situación económica do concello non é mala nin pinta mal. Outra cousa é dispoñer de fondos para aplicar libremente ás políticas das diferentes áreas ou concellerías, dependendo do comentado anteriormente.

Cando chegamos ó concello no ano 2007, o presuposto superaba ó deste ano en case tres millóns de euros, e a nosa sorpresa foi comprobar que a maioría das partidas estaban en negativo xa no mes de xuño, e que había gastos efectuados sen consignación no presuposto . E isto ocorría cando estaba de alcalde o mesmo señor que está actualmente: o Sr. Barcia. Naquel entón a nosa responsabilidade foi buscar unha solución e traballamos para acadala, e non convén olvidar o pufo da subvención perdida na primeira fase das obras na rúa Eijo Garay. Contrariamente ó que están a facer o actual equipo de goberno, que se instala na queixa para disimular unha clara falta de xestión.

A herdanza que lles deixamos é unha xestión responsable, e un millón de euros para realizar dezaoito proxectos moi importantes para o noso concello, que están comezando ou a piques de comezar.

Que cumpran o que prometeron, sabendo que moitas propostas eran inalcanzables, e agora se escudan nunha falsa disposición de liquidez para non acometelas. Que non veñan propoñendo unha baixada na aplicación de servizos. Que non propoñan unha contención do gastos sen antes demostrar unha eficacia no seo traballo. O de apagar luces públicas para aforrar pode estar ben, pero seria máis convincente, e demostraría mellor intención, si o Sr. Alcalde se reduce o soldo (47000 euros anuais). A todas luces, moi desproporcionado para os tempos que corren.