Nota de prensa
Rego reclama a comparecencia do Conselleiro trala retirada dos recursos da Xunta
OS SOCIALISTAS DIN QUE A SITUACIÓN URBANÍSTICA DE GALICIA “CAMIÑA CARA O CAOS”
-O portavoz de Territorio e Urbanismo do Grupo Parlamentario dos Socialistas de Galicia, Ismael Rego afirma que a disciplina urbanística da nosa Comunidade “esta soterrada nun burato negro, xa que voltou a lexislación á carta, presidida pola discrecionalidade na súa aplicación”
-Asegurou que a Xunta coa retirada dos contenciosos“esta realizando unha autoinculpación fraudulenta da propia administración”
-Quere coñecer “si agora en Galicia esta implantada a barra libre”, no que ten que ver coa aplicación da lexislación urbanística “xa que polas actuacións que esta levando adiante a Xunta de Feijoo vemos que é así”
-Afirmou “que os promotores teñen o camiño aberto para reclamar indemnizacións”, si se chegan a producir a retirada dos contenciosos
-Esixiu a Feijoo que pida desculpas aos cidadáns de Galicia “polo aprobación do PXOM de Ourense”, cando era o responsable máximo do urbanismo en Galicia
Santiago, 1 de agosto de 2011. O portavoz de Territorio e Urbanismo do Grupo Parlamentario dos Socialistas de Galicia, Ismael Rego reclamou hoxe en rolda de prensa a comparecencia do Conselleiro de Medio Ambiente Territorio e Infraestructuras para explicar a situación urbanística de Galicia. Ademais rexistrou dúas interpelación para esixir información sobre a situación de Barreiros.
Rego dixo que a situación de Galicia “camiña cara o caos urbanístico”. Lembrou que a lexislación urbanística de Galicia, que data do ano 2002, sufriu 5 modificacións, e lamentou que a día de hoxe “non se procedeu o seu desenvolvemento regulamentario”, algo que cualificou como “moi chamativo”, e insistiu “ por eso hoxe en Galicia temos a situación que temos”.
Subliñou que a disciplina urbanística da nosa Comunidade “esta soterrada nun burato negro, xa que voltou a lexislación á carta, presidida pola discrecionalidade na súa aplicación”. Explicou que a aplicación da normativa realizase para dar cobertura a incumprimentos da legalidade, con sentencia firmes e que supoñen gravísimas agresións ao territorio, e inseguridade xurídica para os cidadáns.
Nese senso denunciou o descabezamento da APLU “para poñela ao servicio partidario do PP, e tamén aos caprichos do Presidente da Xunta, Alberto Núñez Feijoo e do Conselleiro de Medio Ambiente e Infraestructuras”, sentenciou.
O deputado do PSdeG-PSOE advertiu da retirada de contenciosos urbanísticos “postos pola propia Xunta de Galicia”, e puntualiza “pero solo en determinados concellos da Comunidade”. Por iso quere coñecer “si agora en Galicia esta implantada a barra libre”, no que ten que ver coa aplicación urbanística “xa que polas actuación que esta levando adiante a Xunta de Feijoo vemos que é así”, espetou.
14 millóns de euros do peto de tódolos galegos
Asegurou que a Xunta con esta estratexia “esta realizando unha autoinculpación fraudulenta da propia administración”. Puxo como exemplo o Concello lucense de Barreiros donde viven 3203 persoas, e donde se deron licencias, a maioría de xeito irregular, para 5.800 vivendas. Rego afirma os servicios básicos nesta vila “tiñan que ser realizado polos promotores destas vivendas”, e lembrou que a previsión de poboación neste municipio lucense é de 23.500 habitantes. Denunciou que os 14 millóns de euros van a ser sufragados por tódolos galegos.
O portavoz de Territorio e Urbanismo do Grupo Parlamentario dos Socialistas de Galicia preguntou que intereses ocultos esconde o Partido Popular. A maiores afirmou “que os promotores teñen o camiño aberto para reclamar indemnizacións á administración autonómica”. E resumiu “Feijoo e o Conselleiro estanse metendo en algo moi serio”. Dixo que esta decisión crea un “gravísimo precedente económico, de agresión ao territorio e de inseguridade xurídica”.
Libros de texto gratuítos
Rego lanzou unha proposta e anunciou que os 14 millóns de euros poderían ser investidos en sufragar os libros de texto gratuítos para os nenos de primaria e secundaria de Galicia.
Tamén aludiu a situación de Fisterra “donde hai unha situación parecida”. “Estanse construíndo vivendas sen servicios básicos en lugares indebidos”, replicou. Dixo que hai intereses persoais e partidarios como en Barreiros “aquí hai de todo”.
O deputado socialista tamén fixo alusión ao PXOM de Ourense. Explicou que é a primeira cidade de España “que a Xustiza (Tribunal Supremo e Constitucional) botou abaixo o Plan Xeral porque non cumpría coa legalidade vixente”. Lembrou que sendo Conselleiro de Política Territorial o actual Presidente da Xunta, Alberto Núñez Feijoo, os planos expostos publicamente no Concello de Ourense non se corresponden cos aprobados. E criticou que Feijoo “asinou estes planos sabendo que non eran os mesmos que se expuxeran publicamente en Ourense”, xa que asegura que tiña unha acta notarial advertíndolle desta situación. Por iso esixiu a Feijoo q ue “pida desculpas aos cidadáns de Galicia”.
Por ultimo reclamou que os cambios na lexislación urbanística se fagan por acordo dunha maioría reforzada, e lamentou o papel (APLU), xa que denuncia que “se limita a actuar en temas particulares e non contra os grandes”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
